Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens idi Mayo 5, 2015 ket napagsasaritaanda iti pagsayaatan dagiti nataengan iti Tawen 2015. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar dagiti Staff ti MSWDO nga idauluan ni Mrs. Lydia S. Gazmen, MSWD Officer tapno makipagtamingda kadagiti kangrunaan nga agenda a napanda trinatar.
Nakitinnarabay met ni Mr. Remigio Sunico, OSCA Head iti nasao a miting.
Innayon ni Mr. Somera a trinatarda a nasayaat iti maipapan iti napintas a koleksion ti Saranay-da, updating ti kameng ti Senior Citizens iti kada barangay, monthly accomplishment report ti Pederasion ken pinadayawanda dagiti nagkasangay a nataengan iti bulan ti Mayo 2015.
Nagsasaritaanda pay iti pannakipaset ti sektor-da a nataengan iti panagbisita ni Vice President Jejomar C. Binay ditoy Cabugao iti Mayo 7, 2015. # (Web In-Action)
No comments:
Post a Comment