Cabugao, Ilocos Sur – Nai-turnover dagiti Wheelchair (uppat) nga impaay ni Vice President Jejomar C. Binay iti panagbisitana ditoy ili a Cabugao kadagiti uppat a maseknan nga umili a makasapul unay ken narigat ti kasasaad ti panagbiagda ken agnanaed met laeng dagitoy iti ili a Cabugao.
Indauluan da MSWD Officer Mrs. Lydia S. Gazmen; SBM Atty. Bryann Jett S. Pano, Committee Chair on Social Services ken ni OSCA Head Remigio Sunico dagiti Opisiales a nangiyallawat kadagitoy a ramit kadagiti Beneficiaries iti Mayo 18, 2015 iti sango ti Municipio (Presidencia).
Nakipaset met iti nadakamat a turn-over da SBM Dr. Jemaima S. Tan-Yee; SBM Benedicto M. Savellano ken ni SBM Josefina S. Vallejo.
Impeksa dagiti pannakabagi dagiti maseknan a Recipients iti nalaus a ragsak ken panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken kasta met ni VP Jejomar C. Binay kadaytoy a maited a pagnam-ayan dagiti kameng ti pamiliada. # (Web In-Action)
No comments:
Post a Comment