PRODUCTION TARGET TI PAGAY ITI 2015, MANAMNAMA A SUMAYAAT

Cabugao, Ilocos Sur – Iti pannaki-amad ti Web In-Action iti Mayo 22, 2015, imbatad ni Municipal Rice Program Coordinator Nereo S. Daproza, AT a napagnunumuanda manen kadagiti kakaduada iti opisina ken dagiti Opisiales ti nadumaduma nga asosasion ti mannalon iti Cabugao dagiti maisayangkat iti Opisinada nga aktibidade  para iti Rice Self-Sufficiency Program ti ili  iti  Wet Season 2015 (Hunio-Nobiembre).

Daytoy ket pinasingkedan ni Mr. Robert S. Savella, Acting Municipal Agriculturist ti DA-LGU.

Nupay kasta,  dagiti sumaganad nga adding ti inaramidda iti kallabes a tawen  a nagballigian ti programa iti produksion ti pagay ken aramidenda manen iti sumaruno a panagtatalon: 

1. Technical Briefing iti Rice Production (Municipal-wide).

2. Technical Briefing in Rice Production: Techno-Demo Hybrid ken Techno-Demo Inbred.

3. Benchmarking/Participatory Rapid Appraisal  in the Conduct of Farmer’s Field School-Rice, Seed to Seed Technology.

4. Technical Briefing (Plant Now Pay  Later), Rice Techno-Demo (LGU-DA Venture).

Iti 2015, agtultuloy ti  pannakaitandudo ti Rice Self Sufficiency Program ti LGU-Cabugao ken ti  DA-RFU 1  a paset ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mamantener   iti nawadwad nga apit dagiti mannalon ken supisiente latta ti pagtaraon dagiti umili iti Tawen 2015 ken iti masanguanan.

Segun ken ni Municipal Rice Program Coordinator Nereo S. Daproza, dagiti sumaganad ti maisagsagana a maaramid iti panagtalon para iti Wet Season 2015 (Hunio-Nobiembre): 1. Technology Promotion, Two (2) sites ti Regular Farmer’s Field School:  Brgy. Turod & Brgy. Bato ;  2. 1 Site Techno-Demo for Hybrid Seeds in Irrigated Areas - Inbred Seeds ti Brgy. Marga-ay.

Innayon ni Mr. Daproza a manamnama a mamulaan ti 1,500 ektaria iti Hybrid; 688 iti Certified Seeds; 9  ektaria ti Foundation Seed-Registered Seed  ken 50 ektaria iti maprobitsar iti  Community Seed Banking.

Insupusop pay ni Mr. Daproza  a babaen iti panagkammayet ti DA-RFO 1 ken iti LGU-Cabugao ket posible a maaramid dagiti Techno-Demo Sites kadagiti sumagmamano a napili a barangay. # (Web In-Action)