Tuesday, May 2, 2017

MANGO PROCESSING SKILLS UPGRADING TRAINING, NAANGAY DITOY CABUGAO

Cabugao, Ilocos Sur – Naangay ti dua nga aldaw (Abril 27-28, 2017) a panagseminar dagiti kameng ti  Rural Improvement Club (RIC); Federated 4 Ps; Kameng ti Mango Growers Multipurpose Association ti ili a Cabugao  ken naangay ti panagsanay iti pasdek ti Early Childhood Care Development (ECCD), Barangay Rizal, Cabugao, Ilocos Sur iti panangesponsor ti DTI-Vigan City ken sinuportaran ti LGU-Cabugao ken kasta metten iti Training Support ti Philippine Rural Development Project (PRDP) ken iti Mango Packaging Center through DTI.

Iti umuna nga aldaw,  Abril 27, 2017, adda 27 a Participants a nagsanay kasta metten iti maikadua nga aldaw, Abril 28, 2017.

Dagiti maganab dagiti agpartisipar ket iti panagaramidan ti Mango Pickles; Mango Jam; Mango Marmalade, ken ti Mango Pastillas. Dagiti nagserbi a Trainors ket isuda Ms. Joanna Marie Guarin ken ni Mr. Yolando Q. Quiocho ti DTI, Vigan City a kas Facilitator. 

Dagitoy nga aksion ken inisiatiba ket paset ti programa ti Munisipio iti panangidaulo ni Mayor Josh Edward S. Cobangbang iti panangidur-as ti kabaelan dagiti umili iti nadumaduma a sektor  maipapan iti mango processing a mangnayon iti masapulanda, segun ken ni Mr. Edgar S. Balangatan, AT, Program Coordinator. # (Web In-Action)

No comments:

Post a Comment