Cabugao, Ilocos Sur – Nupay adda kabukbukodan a Topiko nga i-lecture dagiti Staff ti 4 Ps Municipal Link iti angayenda a FDS iti kada barangay, makigiddan metten dagiti Personnel ti dadduma nga Ahensia a kas iti DOH; BFP; PNP ken MLGO a mangited iti kayatda a maipagteng (information drive/dissemination) kadagiti umili iti barangay a kameng ti 4 Ps.
Maysa ita nga epektibo a wagas iti pannakikammayet dagiti dadduma nga ahensia iti agtultuloy a Family Development Session (FDS) kadagiti 4 Ps kadagiti barangay ti ili a Cabugao. Nadaras nga agsaknap ti impormasion ken maiyadal agsipud ta dagiti 4 Ps Members ket isuda met laeng dagiti miembros iti barangay.
Iti kasta, dagiti Duty Personnel ti Bureau of Fire Protection (BFP)-Cabugao nga idauluan ni INSP Ronald Castillo ket nangiwayatda iti dayta a petsa (Agosto 11, 2017) iti nagsaruno a lecture maipapan iti
Fire Safety Lecture, Disaster Preparedness and First Aid kadagiti Pantawid Pamilyang Pilipino Program (4Ps) Members iti iti Multi-purpose Building iti Brgy. Salomague ken iti baro a Covered Court iti Barangay Cuancabal, Cabugao Ilocos Sur idi Agosto 11, 2017.
Kadua dagiti nadakamat a Firemen dagiti Personnel ti Municipal Link ti DSWD ken LGU-Cabugao nga inyuna ni Miss Aida S. Cueto iti panaglektiur ken nagdemonstrar kadagiti 4 Ps Members babaen kadagiti Topiko a naipaannong kadakuada.
Ti Family Development Session (FDS) ket maysa nga epektibo a pamay-an iti panangpatibker ti urnos ken kasasaad dagiti 4 Ps Members a pakairamanan metten dagiti bumarangay ken dagiti Opisiales-da tapno masustener daytoy a programa ti DSWD ken pro-poor program ti Munisipio nga agtultuloy a kakammayetda ti Gobierno Munisipal nga idauluan ni Mayor Josh Edward S. Cobangbang. # (Web In-Action)
No comments:
Post a Comment