Cabugao, Ilocos Sur – Nairehistron ti Cabugao Federation of Fishermen and Vendors Association, Inc. iti ili a Cabugao, Ilocos Sur a mangsakup kadagiti asosasion ti mangngalap iti pito a coastal barangays ti ili a Cabugao kas iti Brgys. Salomague, Dardarat, Namruangan, Sabang, Daclapan, Salapasap ken ti Pug-os idi Hulio 18, 2017 babaen iti SEC Registration No. CN201723966.
Kabayatanna, napagkaykaysaanda a maaramid ti Monthly Meeting-da iti umuna a Martes ti kada bulan.
Daytoy a banag ket paset ti direktiba ken programa ti Gobierno Munisipal babaen iti liderato ni Mayor Josh Edward S. Cobangbang iti pannakaited ti naan-anay a pannakataming dagiti programa iti sektor dagiti mangngalap.
Agtultuloy a tumarabay ni SBM Atty. Randy Baniaga G. Kinaud, Committee Chairman on Agriculture, Fisheries and Cooperatives kadagiti nadakamat a panagtitipon dagiti mangngalap tapno mapabileg ken mapapigsada babaen iti pannakaorganisarda ken maisaruno iti pannakairehistroda (Accreditation) iti Munisipio wenno iti Department of Labor and Employment (DOLE).
Makitinnarabay met ni Mr. Nerio Somera Daproza, AT, kabarbaro a Municipal Fisheries Coordinator.
Innayon ni Mr. Somera a determinado dagiti mangngalap a maaddaanda iti Pederasion nga adda kabukbukodanna a juridical indentity tapno kabaelanda ti maki-transact/mangprobitsar kadagiti umisu nga Ahensia a makaited kadakuada iti proyekto a pakairanudanda a mangngalap.
Dagiti Opisiales ti Asosasion ket dagiti sumaganad:
President – Magno S. Carbonel
Vice President – Wilfredo Garcia Secretary - Bonifacio Valle Treasurer – Rovina Tabugader Business Managers: Norberto Basuil, Roger Rabor, ken Ronald Villanueva; Sergeant-at-Arms: Elizalde Sesuca ken Victorino Rabor; P.I.O - Fidel Ancheta; ken Auditor - Rodel Anor. # (Web In-Action)
No comments:
Post a Comment