Cabugao, Ilocos Sur – Naangay ti Meeting dagiti Opisiales ti Cabugao Federated Farmers Association idi Agosto 1, 2017 iti Early Childhood Care Development Building, Brgy. Rizal, Cabugao, Ilocos Sur. Indauluan ni Mr. Elmer Guerrero Bromeo, Federated President dagiti nagmiting a Presidente ken timmulong dagiti pannakabagi ti DA-LGU.
Dagiti sumaganad nga Agenda iti tinamingda:
1. Pannakailawlawag ti kasasaad dagiti Farm Machineries a magun-od ken nagun-oden babaen kadagiti mannalon manipud iti Departamento ti Agrikultura (DA).
2. Pannakailawlawag ti kaipapanan ti Draft Ordinance ni SBM Atty. Randy Baniaga G. Kinaud, Committee Chairman on Agriculture para iti pagsayaatan iti kaaduan.
3. Panangiwanwan ni ABC President Thaddeus U. Soller kadagiti dadaulo ti mannalon iti panangiprogramada ti P50,000 a maited iti tunggal asosasion ti mannalon tapno maiserbi a nasayaat para iti pagsayaatan iti kaaduan.
4. Update ti kalkalpas a pannakaiwaras ti ganagan ken humate kadagiti mannalon iti 33 a barangay babaen iti panangiwardas dagiti Staff ti DA-LGU Cabugao.
Nagatendar met ni Mayor Josh Edward S. Cobangbang ket pinatibkerna dagiti dadaulo ti mannalon a no maparang-ayda iti asosasionda kadagiti bambanag a maitultulong ti LGU kadakuada ket agtultuloy a makomplementaran ti napintas nga ambagda iti panagsayaat ti ekonomia ti ili.
Nakikaysa met iti nadakamat a miting da SBM Danny Q. Gazmen; SBM Dr. Jemaima S. Tan-Yee; SBM Vicky S. Serna ken ni SBM Josefina S. Vallejo.
Naballigi pay a napagpapatangan dagiti dadduma nga Agenda ken pakaseknan dagiti mannalon iti pannakaitultuloy ti mitingda agingga a na-adjourn iti 12:00 Noontime. # (Web In-Action)
No comments:
Post a Comment