Thursday, August 24, 2017

TULONG TI NADADAELAN ITI SUPER TYPHOON LAWIN (HAIMA), NARUK-ATAN

Cabugao, Ilocos Sur - Naaramid ti pannakaited iti Cash Assistance kadagiti nadadaelan   ti pagtaenganda nga umili manipud iti 33 a barangay ti ili a Cabugao, Ilocos Sur. Naaramid ti Pay-out idi Agosto 16-18,  2017.

Ti Ahensia ti DSWD-Region 1  ket rinuk-atanna nga immuna ti tulong iti tunggal nadadaelan ti balayna  a residente (partially/totally damaged).

Iti second batch, immawatda iti nainayon a Cash Assistance ti partially damaged  ken  iti totally damaged dagiti nabiktima.

Ti nadakamat  a Cash  Assistance a maited ket  mangtulong kadagiti nabiktima iti supertyphoon a mangbangon kadagiti pagtaenganda a dinadael ti maysa kadagiti karanggasan  a bagyo a nangsaplit ti pagilian ti Pilipinas idi Oktubre 2016.

Sakbayna, nakikaysa  dagiti Supertyphoon Lawin Beneficiaries ditoy nga ili iti  naaramid a panagrehistro/panagenrol  iti Landbank  Cash Card/Prepaid Card Form nga inwayat ti MSWDO ti Cabugao ditoy Munisipio iti kallabes  babaen iti panangidaulo ni MSWD Officer Mrs. Lydia S. Gazmen tapno maestudiar dagiti papelesda  dagiti nadadaelan sakbay a makualipikarda nga umawat iti Cash Assistance nga ited ti DSWD. # (Web In-Action)

No comments:

Post a Comment