PUBLIC HEARING DAGITI ORDINANSA, INANGAY TI SANGGUNIANG BAYAN

Cabugao, Ilocos Sur – Inangay ti Sangguniang Bayan iti ili ti Cabugao, Ilocos Sur ti Public Hearing  babaen iti  Joint Committees of Transportation; Public Safety and Good Government kadagiti sumaganad a napagsasaritaan: An Ordinance Prescribing the Number of Children Passengers for Tricycle-For-Hire in Cabugao, Ilocos Sur; Sanikua ti Ili, Nagan ti Ili Ordinance of Cabugao, Ilocos Sur; Ordinansa  a mang-regulasyon iti panagusaran ti paputok ti Firecrackers; ken Code of General Ordinances.

Paset daytoy ti sirmata   ti Gobierno Munisipal  iti liderato ni Mayor Josh Edward S.  Cobangbang a pannakapapigsa ken pannakanayon dagiti kasapulan a paglintegan a mangtimon iti natibker  a panagannayas ti  kasasaad ti Gobierno (Good Governance).

Imbinsabinsa ni SB Secretary Maxfel S. Suboc iti mapagsasaritaan ken dagiti maseknan nga SB Commitees a mangtratar iti nadakamat a Draft dagiti Ordinansa.

Nagatendar dagiti  kameng ti Konseho Munisipal a nagtitinnulong a nangigannuat iti Public Hearing  ket dagiti  Konsehales ti Konseho Munisipal nga idauluan ni Acting Vice Mayor Danilo Q. Gazmen; Kapitanes ti Barangay; Kagawad a mangig-iggem  ti Committee on Public Safety, Women and Family Relations and Youth; School Heads dagiti Elementary Schools ken iti  Secondary Schools ken dagiti Federated PTA Presidents ken Officers-da; Pannakabagi ti CISTODAI; pannakabagi ti PNP-Cabugao; Police Officer In-Charge iti  Traffic ken ti Blue Boys iti  LGU-Cabugao.

Naaramid ti Public Hearing iti Cabugao Cultural and Sports Complex, Brgy. Rizal, Cabugao, Ilocos Sur idi Agosto 16, 2017.

Kabayatan ti  Public Hearing, naidatag dagiti singasing, kapanunotan, komento ken panirigan kadagitoy a maidarirag iti pannakaaprobaran nga Ordinansa.

Naan-anay a nasungbatan dagitoy a saludsod ken kapanunotan babaen iti panangtratar dagiti umisu nga Opisiales a  mangsungbat kadagitoy a Draft Ordinance.

Dagiti dadaulo dagiti Komite a nangidaulo iti pannakatarawidwid iti Public Hearing ket dagiti sumaganad a nagkaykaysa a Komite iti Transportation; Public Safety ken Good Government nga idauluan da SBM Danny Q. Gazmen ti Public Safety ;  SBM Atty. Randy Baniaga G. Kinaud ti Good Government  ken ni SBM Vicky S. Serna iti Transportation.

Nakikaysa met ni Mayor Josh Edward S. Cobangbang iti nadakamat a Public Hearing. # (Web In-Action)