Cabugao, Ilocos Sur – Naaramid ti pannakaiyallawat dagiti mausar iti panagaramidan ti sabon babaen iti panangawat dagiti kameng ti Rural Improvement Club (RIC) ti Barangay Nagsantaan ken ti Barangay Sisim, Cabugao, Ilocos Sur agraman iti Federated RIC ti Cabugao, Ilocos Sur iti Agosto 22, 2017 iti sango ti Cabugao Cultural and Sports Complex.
Indauluan ni Mayor Josh Edward S. Cobangbang iti pannakai-turnover dagiti nadakamat a materiales a binayabay dagiti Opisiales ti Barangay kadagiti lugar dagiti immawat iti nadakamat a training suppliess.
Kabayatanna, impeksa met dagiti Opisiales ti Barangay ken dagiti grupo ti kababaihan nga immawat kadagitoy iti panagyamanda iti Departament of Trade and Insdustry (DTI)-BUB Program iti panangawatda ti nadakamat a materiales kasta metten nga agyamanda met iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang iti pannakagun-odda iti kalikagumanda.
Nakikaysa ni BUB Coordinator Edgar S. Balangatan ken kasta metten ni Barangay Captain Mario Peralta ken ni Kagawad Adora M. Ramos ti Barangay Sisim iti nadakamat a turnover. # (Web In-Action)
No comments:
Post a Comment