Cabugao, Ilocos Sur – Nairubuat ti “Brigada Eskwela” 2018 kadagiti pageskuelaan ti ili a Cabugao mangrugi iti Mayo 28, 2018 babaen iti Tema a: “Pagkakaisa Para sa Handa, Ligtas at Matatag na Paaralan Tungo sa Magandang Kinabukasan”
a kas maiyalubog iti National Schools Maintenance Week, a masasao a Brigada Eskwela a nayeskediul iti May 28, 2018 agingga iti Hunio 2, 2018 iti intero a pagilian.
Naluktan ti Kick Off Activity ti Brigada Eskwela 2018 ditoy Cabugao babaen iti naaramid a motorcade idi Mayo 28, 2018 kadagiti processional route ti ili ken iti National Highway a nangrugi iti Cabugao North Central School ken nagsubli met laeng ditoy dagiti nagpartisipar. Kasta met laeng iti naaramid iti pageskuelaan ti Cabugao South Central School.
Iti nasao a motorcade, inwanwan ti Mobile Patrol Car ti PNP ti nadakamat a Motorcade. Nakipaset dagiti siklista ti Cabugao Cycling Club kasta metten dagiti Opisiales ti PTA, Barangay ken mangisursuro kadagiti nagpartisipar a pageskuelaan.
Kabayatan iti umuna nga aldaw ti Brigada Eskwela 2018 ket nagpartisipar a nakikaysa dagiti kameng ti nadumaduma a sektor partikular iti Engineering Office ti LGU-Cabugao nga idauluan ni Municipal Engineer Crescencio Marcos C. Formoso; Municipal Police Station nga indauluan ni Police Inspector Romar P. Renon, OIC- COP ken iti Cabugao Cycling Club nga indauluan ni CCC President Gabriel G. Sunio. # (Web In-Action)
No comments:
Post a Comment