Cabugao, Ilocos Sur – Naaramid ti panagmiting dagiti pannakabagi ti nadumaduma a sektor a mangbukbukel iti Municipal Agriculture and Fisheries Council (MAFC) ti ili a Cabugao, Ilocos Sur nga idauluan ni MAFC Chairman Rogelio C. Barlolong, Presidente. Naangay ti miting iti Rizal Park, Barangay Rizal, Cabugao, Ilocos Sur iti Mayo 17, 2018.
Kalpasan ti Opening Prayer, naibasa ti linaon ti Minutos iti napalabas a miting ti MAFC.
Kalpasan a maibasa ti Minutos ti Miting, nagsarita ni MAFC President Rogelio Barlolong ket inulitna a bininsa/inlawlawag dagiti napagsasaritaan iti napalabas a miting ket kalpasan a maanamongan iti kaaduan, naideklarar a pinal ken naaprobaranen ti Minutos.
Dagiti nataming:
1.Pannakaited ti importansia kadagiti Seed Growers ti ili a Cabugao tapno maorganisar ken masanay-da para iti produksion ti bin-i a para kadagiti makasapul iti ili iti panawen ti panagtalon.
2.Pannakabukel ti 5-Man Committee Member iti MAFC nga aprobaran ti Municipal Council ket maaddaan dagitoy iti bileg ken karbengan a mangmonitor/imbentario kadagiti makinaria a sanikua dagiti Asosasion a naikkan.
3.Maipaloap ti ited ti Munisipio a bin-i ti pagay kadagiti mannalon para iti Wet Season 2018.
4.Naballigi a napagnanamingan dagiti dadduma a naidatag nga Agenda ken pakaseknan dagiti Opisiales ken iti Asosasion nga ibagianda agingga a nag-adjourn ti miting iti 11:00am ti aldaw.
Dagiti Opisiales ti MAFC para iti Tawen 2016-2019:
Chairman – Rogelio C. Barlolong
Vice Chairman (PS) – Grenalyn P. Amoroso
Vice Chairman (GS) – Robert S. Savella
Secretary (PS) – Jimmy P. Seguban
Secretary (GS) Arceli Antonette S. Racho
Treasurer – Nona Lidia M. Tabaco
Internal Auditor – Joselino S. Carbonel
P.R.O. – Joselito A. Pablico
Nabutosan pay ti 10 a Sectoral Committee Chairpersons ken 4 a Working Committee Chairpersons. # (Web In-Action)
No comments:
Post a Comment