Cabugao, Ilocos Sur – Tumultulong ti LGU-Cabugao a mangpataud iti bin-i nga usaren dagiti masapa nga agtalon ita a Wet Season 2018 (Hunio-Nobiembre) babaen iti maar-aramid a distribusion ti Hybrid Rice Seeds ken Inbred Seeds babaen iti programa ti National Government kadagiti mannalon.
Maited ti 13 Bags a Certified Seeds ken 150 Kilos a Hybrid Seeds a pakaimulaan iti 10 Ektarias kadagiti barangay a mangbukel iti 42 nga Asosasion ti Mannalon iti ili a Cabugao, Ilocos Sur. Nangrugi ti panagiwaras ti bukel babaen iti Municipal Agriculture Office kadagiti mannalon idi Mayo 15, 2018 ket agpatigga inton Mayo 17, 2018.
Imbatad ni Mr. Nathaniel B. Galamgam, AT, Municipal Rice Program Coordinator nga agtultuloy ti panangtarabay ti Gobierno Munisipal nga idauluan ni Mayor Josh Edward S. Cobangbang dagitoy a programa para iti sektor-agrikultura. # (Web In-Action)
No comments:
Post a Comment