Cabugao, Ilocos Sur – Naangay manen ti Pay-out wenno pannakaited ti Social Pension ti 1,163 a Beneficiaries (babbaket ken lallakay) a kameng ti Senior Citizens ti ili a Cabugao ket inawatda ti 1ST and 2nd Quarter ti 2018 (Enero-Hunio) a pensionda manipud iti DSWD RFO 1. Naangay ti Pay-out iti Cabugao Cultural and Sports Complex, Barangay Rizal, Cabugao, Ilocos Sur idi Mayo 8, 2018.
P500 ti kada bulan ti naituding nga awaten ti maysa a Beneficiary.
Pakabuklan met ti innem a bulan (P3,000) ti dagup ti inawatda iti tunggal maysa a nataengan.
Indauluan ni Mrs. Lydia S. Gazmen, Municipal Social Welfare Development Officer dagiti kakaduana a nangtarabay kadagiti nataengan nga immay nangala ti pensionda ditoy Complex. # (Web In-Action)
No comments:
Post a Comment