SCHOOL SUPPLIES, KANGRUNAAN NGA ISAGANA ITA DAGITI NAGANNAK

Cabugao, Ilocos Sur – Kaaduan kadagiti nagannak, guardian  ken ubbing ti  mapan  aggatang iti kasapulanda a bag, kuaderno, ballpen, lapis,  papel,  krayola  ken kanaigna a kasapulan dagiti agbasa  kasta metten iti aruaten, uniporme, sapatos ken kanaigna a kawes iti panagadalda  iti sakbay ti Hunio 4, 2018 a panagseserrek ti klase.

Iti kaadu ti aggatang, pumardas ti panagwerret ti ligay ti negosio maigapu iti panagsagana dagiti kasapulan dagiti agad-adal. Imbatad pay dagiti dadduma  a nagannak ken agad-adal nga adu met latta ti bilangda ti nakagatangen a nasapsapa iti school supplies-da. Nupay kasta, ti napateg ket adda latta ti magatang ken nakagatang ti amin a maseknan  kadagiti kasapulanda.

Mangnamnama ti kaaduan a nagannak a naballigi daytoy a Tawen 2018 a  panagrubuat iti panagbasa dagiti ubbing. # (Web Situational Report)