AGTULTULOY TI SERBISIO TI RHU KADAGITI UMILI

Cabugao, Ilocos Sur – Malaksid iti inaldaw a panagagas dagiti Medical Personnel (Doktor, Nurse, Midwives, Dentist ken (RN-Nurses Deployment Program)  kadagiti Kliente iti Rural Health Unit-Cabugao ket maar-aramid met iti panagtignay dagiti sanga ti serbisio-salun-at kadagiti 33 a barangay ti ili a Cabugao, Ilocos Sur.

Iti biang ti Community  Health Team (CHT) iti Barangay, agtigtignay dagiti pannakabagi ti Team a mangaramid kadagiti pagrebbenganda iti barangay ket mapagkaykaysa ti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao)  nga idauluan ni Dr. Mark-Lawrence T. Tirao iti kasasaad dagiti kakaduada nga agtartarabaho iti benneg ti salun-at kadagiti barangay.

Dagitoy nga aksion ken inisiatiba ket gubuay ti napintas a koordinasion dagiti maseknan a benneg ti salun-at iti salinong ti LGU-Cabugao nga idauluan ni Mayor Josh Edward S. Cobangbang para iti agtultuloy a pannakaitandudo ti salun-at dagiti umili ti Cabugao, Ilocos Sur. # (Web In-Action)