Cabugao, Ilocos Sur – Ageksamen dagiti baro nga Aplikante para iti “libre a panagadal” a programa ti LGU-Cabugao nga idauluan ni Mayor Josh Edward S. Cobangbang para iti School Year 2018-2019 ket maaramid ti Examination a kas naiyeskediul para kadagiti Incoming Grade 7; incoming Grade 11 ken incoming 1st Year College.
Ti Cabugao Education Scholarship Program (CESPRO) ket naaprobaran a Gakat ni SB Member Danilo Q. Gazmen nga indarirag ti Joint Committee on Education and Appropriation ti Sangguniang Bayan ken naaprobaran a linteg kabayatan iti Administrasion ni Pasado Mayor Edgardo “Ediboy” S. Cobangbang, Jr.
Iti aglima a tawenen a pannakaipatungpal daytoy a linteg (naaprobaran idi Oktubre 14, 2013) ket adun ti natulonganna nga agad-adal ken nabenepisiaran a kaamaan nga umili ti Cabugao.
Daytoy a linteg ket maisagut kadagiti makaruar iti eksamen nga agtutubo ken ubbing a naregget ti namnamada a makaileppas iti adal iti High School ken kurso iti Kolehio.
Tarawidwidan ni Mr. Dario Roy Siruno, Information and Tourism Officer ti LGU-Cabugao iti pannakaipatungpal ti nadakamat a panageksamen dagiti Aplikante. # (Web In-Action)
No comments:
Post a Comment