Cabugao, Ilocos Sur – Maymaysa ti ili a Cabugao, Ilocos Sur a napili a pakaipakatan ti 10-HECTARE HYBRID RICE MODEL FARM babaen iti programa ti DA-Regional Field Office 1 iti intero a Probinsia ti Ilocos Sur gapu iti kinagaget ti Supervising Technician iti kinatao ni Mr. Obas Bill Y. Baclig, AT, Municipal Agriculture Office a nakaitedan ti kangrunaan a pammadayaw iti kina-Agricultural Technologist itay nabiit.
Naaramid ti inception meeting ti nadakamat a programa idi Mayo 24, 2019 idiay Sitio Callaguip, Barangay Baclig, Cabugao, Ilocos Sur a no sadino a nagatendaran dagiti mannalon ken lumugar ket nagatendar ditoy da Regional Rice Techno Demo Coordinator Rodolfo Estrada, Jr. ken ni Acting Provincial Agriculturist Marcelino Alibin a kinadua ida ni Mr. Baclig ket inlawlawagda ti pakabuklan ti project ken programa ken nakapatangda dagiti manamnama a Farmer-Cooperators a nakadagupan iti 27 a Farmers iti nadakamat a lugar.
Mangnamnama iti kaaduan nga agballigi ti panggep daytoy a proyekto ita a Wet Season 2019 babaen iti agtultuloy met latta a pannakikammayyet ti Gobierno Lokal nga idauluan ni Mayor Josh Edward S. Cobangbang. # (Web In-Action)
No comments:
Post a Comment