Cabugao, Ilocos Sur – Naangay ti Meeting dagiti Opisiales ti Municipal Agriculture and Fisheries Council (MAFC) ti ili a Cabugao, Ilocos Sur nga idauluan iti agdama ni MAFC Chairman Rogelio C. Barlolong ket naangay ti panagtataripnongda idiay SB-ABC Hall, Barangay Rizal, Cabugao, Ilocos Sur iti Mayo 3, 2019.
Kalpasan a nataming/naibinsa dagiti napapateg nga agenda a napagsasaritaan ket napagkaykaysaanda a maangay ti reorganisasion ti Konseho inton Hulio 10, 2019 ket pinilidan dagiti mangbukel iti Board of Election ket isuda Armando Azcueta; Roberto Sablay ken ni Elmer Bromeo.
Malaksid iti panangmitingda ket dagiti sumaganad pay iti ak-akemen ti MAFC:
1. Regular a panagmiting ti MAFC ket sapasap a nataming dagiti pakaseknan dagiti mannalon ken mangngalap babaen iti tulong ti LGU-Cabugao nga idauluan ni Mayor Josh Edward S. Cobangbang.
2. Agtultuloy a pannakikoordinar ti MAFC Chairman kadagiti line agencies; Regional Agriculture and Fishery Council (RAFC); PAFC ken dadduma nga LGUs tapno makaadal iti pangpasayaat pay ti kasasaad dagiti klienteda.
3. Panagbisita ti MAFC Chairman kadagiti dadduma nga NGOs ken barangay maipapan iti livestock projects ken kanaigna a proyekto a mangpapintas ti kasasaad dagiti mannalon.
4. Panagatendar ti MAFC Chairman kadagiti pakaawisanda a Seminar; Training; Meeting; Symposium; Harvest Festival; Fied Day a mangpasayaat pay ti pannakilangen dagiti opisiales ken kameng kadagiti padada a MAFCs.
Dagiti Opisiales ti MAFC ti ili a Cabugao iti Tawen 2016-2019:
Chairman – Rogelio C. Barlolong
Vice Chairman (PS) – Grenalyn P. Amoroso
Vice Chairman (GS) – Robert S. Savella
Secretary (PS) – Jimmy P. Seguban
Secretary (GS) Arceli Antonette S. Racho
Treasurer – Nona Lidia M. Tabaco (on-leave)
Internal Auditor – Joselino S. Carbonel
P.R.O. – Joselito A. Pablico
Nabutosan pay ti 10 a Sectoral Committee Chairpersons ken 4 a Working Committee Chairpersons. # (Web In-Action)
No comments:
Post a Comment