Cabugao, Ilocos Sur – Nagleppas ti Brigada Eskwela 2019 idi Mayo 25, 2019 babaen iti naruay a gapuanan dagiti nagannak ken mangisursuro argaman dagiti pannakabagi ti nadumaduma a sektor/ahensia ken organisasion a timmulong a nagurnos, nagdalus iti uneg ken arubayan ti eskuela ken nangpasimpa kadagiti pagpaknian (Comfort Rooms) para iti Hygiene ken sanitasion, alad ti eskuela ken kanaigna a banag a natarimaan iti uneg ken ruar ti pageskuelaan.
Iti pannaki-amad ti Web In-Action, imbatad dagiti dadaulo dagiti pageskuelaan nga uray nagleppas ti Brigada Eskwela ket agtultuloy latta iti panangmantenerda iti uneg ti kuarto. Agtultuloy latta met ti panagisimpada iti arubayan kabayatan iti pannakaaramid manen ti Balik Eskwela Program 2019 a marugian iti Mayo 27 agingga a mangrugi ti klase iti Hunio 3, 2019.
Iti sabali a bangir, naballigi a nayimplimentar ti Brigada Eskwela 2019 (School-based) kadagiti pagadalan iti 33 a barangay ti ili.
Mainayon a napateg met a bigbigen ti sakripisio dagiti nagannak ken timmulong kadagita a pagadalan para iti interes dagiti ubbing nga agbasa. # (Web In-Action)
No comments:
Post a Comment