Cabugao, Ilocos Sur – Nairubuat ti “Brigada Eskwela” 2019 kadagiti pageskuelaan ti ili a Cabugao mangrugi iti Mayo 20, 2019 babaen iti Tema a: “Matatag na Bayan Para sa Maunlad na Paaralan.” a kas maiyalubog iti National Schools Maintenance Week, a masasao a Brigada Eskwela a nayeskediul iti Mayo 20, 2019 agingga iti Mayo 25, 2019 iti intero a pagilian.
Naluktan ti Kick Off Activity ti Brigada Eskwela 2019 kadagiti pageskuelaan ditoy Cabugao babaen iti naaramid a motorcade idi Mayo 20, 2019 kadagiti processional route ti ili ken iti National Highway.
Iti nasao a motorcade, inwanwan ti Mobile Patrol Car ti PNP ti nadakamat a Motorcade. Nakipaset met dagiti siklista ti Cabugao Cycling Club kasta metten dagiti Opisiales ti PTA, Barangay ken mangisursuro kadagiti nagpartisipar a pageskuelaan.
Kabayatan iti umuna nga aldaw ti Brigada Eskwela 2019 ket nagpartisipar a nakikaysa dagiti kameng ti nadumaduma a sektor partikular a tinarabay ni Municipal Police Station ida nga indauluan ni Police Inspector Ramil A. Llarenas, COP ken iti Cabugao Cycling Club nga indauluan ni CCC President Gabriel G. Sunio. # (Web In-Action)
No comments:
Post a Comment