Cabugao, Ilocos Sur – Iti pannakiuman ti Web In-Action, imbatad dagiti Municipal Link Staff ti 4 Ps a napagsasaritaan ken nasolusionan dagiti naidokumento (Minutos ti Binulan a Mitingda) a pakaseknan ken problema dagiti 4 Ps iti ili a Cabugao, Ilocos Sur iti napalabas a tawen.
Innayonda a maitultuloy a maipatungpal ti Family Development Session (FDS) ita a Tawen 2017 kadagiti barangay agsipud ta daytoy ti “pannakapuso” ti programa iti serbisio-sosial ti DSWD ken ti LGU-Cabugao.
Naangay ti panagmiting ti Municipal Advisory Committee (MAC) iti bulan ti Abril 2019 babaen iti panangidaulo ni Mayor Josh Edward S. Cobangbang ti ili a Cabugao, Ilocos Sur.
Ni Mayor Josh Edward ti nag-Preside iti nasao a miting a nagatendaran dagiti Staff nga idauluan ni MSWD Officer Mrs. Lydia S. Gazmen; Staff ti Municipal Operations Office ti 4 Ps; Parent-Leaders ti 4Ps; ken dagiti pannakabagi ti RHU-Cabugao ken iti DepED-Cabugao.
Kangrunaan a nataming iti nadakamat a miting iti pannaka-update dagiti pakaseknan; problema a tumaud iti biang dagiti 4 Ps Beneficiaries agraman iti pagturturonganen ti programa ti Munisipio.
Kabayatanna, addan 1,651 a rehistrado a benepisiario ti 4 Ps iti ili a Cabugao, Ilocos Sur iti agdama.
Sakbayna, napadayawan ti LGU-Cabugao pakaseknan iti binulan a pannakaipatungpal daytoy a programa ti DSWD ket immawat ti Certificate of Recognition a nagun-odna manipud iti Department of Social Welfare and Development (DSWD), Regional Office 1 idi Pebrero 18, 2015.
Nagun-od ti LGU-Cabugao ti pammadayaw maigapu iti gapuananda kas nailanad: “Institutionalizing the Conduct of Monthly Municipal Advisory Committee Meeting for CY 2014”. # (Web In-Action)
No comments:
Post a Comment