Cabugao, Ilocos Sur – Kabayatan ti panangannong ni Mayor Josh Edward S. Cobangbang ti pagrebbenganna a Hepe Ehekutibo ti ili, agtultuloy ti ipapan dagiti pannakabagi ken Opisiales ti Sektor-Edukasion iti opisinana tapno agkortesiada iti kabarbaro nga Administrasion ket maammuanna dagiti planoda ken pakaseknanda a pagibasaranna met kadagiti itedna nga aksion.
Nangrugi iti 1st Day in Office-na ti Alkalde Munisipal, nakisarita dagiti pannakabagi ti nadumaduma a pageskuelaan ti ili a Cabugao ken ni Mayor Josh ket natratar dagiti kalikagumda a maipatungpal iti serbisio ti Edukasion ken iti pannakikammayet ti Gobierno Lokal kadakuada.
Kalpasan ti Flag Raising Ceremony idi Hulio 4, 2016, nagsarita ni Mayor Josh iti sanguanan ti Pamilia LGU ket pinalagipanna dagiti dadaulo ti Departamento ti LGU iti pannakinamingda kenkuana iti Opisinana maipapan iti sasaaden dagiti idauluanda nga opisina ket immuna a nagreport ti benneg iti Finance a pakaibilangan ti Treasury, Budget ken ti MPDO.
Naballigi ti resulta dagitoy a pannakinamingda ken ni Mayor Josh kalpasanna. # (Web In-Action)
No comments:
Post a Comment