Wednesday, November 30, 2011

SEND-OFF DAGITI SCOUTS PARA ITI PROVINCIAL JAMBORETTE

Cabugao, Ilocos Sur (Nobiembre 30, 2011) – Umabot iti 120 a Boys Scouts  iti Grade 4,5, ken 6 manipud iti 23 a pageskuelaan-elementaria ti ili a Cabugao ti  nagrubuat a kinuyog ti  25 nga Scouters  iti ikub ti Cabugao  South Central School, Brgy. Bonifacio, Cabugao, Ilocos Sur  idi bigat ti Nobiembre 30, 2011 a no sadino a ditoy ket agatendarda iti maaramid a 30th BSP-Ilocos Sur Council Jamborette a maangay iti  Brgy. Nansuagao, Caoayan, Ilocos Sur mangrugi  iti Disiembre 1 ken agpatingga iti Disiembre 4, 2011.

Dua a minibus ti naarkila a pagluganan dagiti Scouts. Kas BSP Municipal Committee  Honorary Chairman, personal a nakipagpalubos ni Mayor Edgardo “Ediboy” S. Cobangbang, Jr. a kaduana da District BSP Coordinator Francis A. de la Cruz, OIC Supervisor for Public Schools  Helen V. Siruno ken nagannak ken kabagian dagiti Boy Scouts a nangted ti moral ken pinansial a suporta kadagiti annakda.

“Maragsakankami unay  ta immaynakami kinita ni Mayor Ediboy a nangital-o  iti moralmi amin  ken naisangayan ti pabalonna iti  papanmi idiay Caoayan,” kuna ni Mr. Donato Sajor, aktibo a maestro iti DepEd District  a lider ken Scouter.
Segun ken ni Mr. Francis la Cruz, District BSP Coordinator , dagiti sumaganad  ti nangbukel ti grupoda a maki-Jamborette.

School
Scouts
Scouters
Aragan E/S
1

Arnap E/S
5
Edison Savellano
Bungro E/S
2
Fidel Sinampaga
Cabugao North C/S
8
Nemesio Soller
Cabugao South C/S
8
Carlito Anor, Rommel Santella, Waren Sumibcay
Cael-layan E/S
1
Leonardo Sonico
Catucdaan E/S
1
Imelda Lopez
Cuantacla-Sagsagat E/S
5                        
                         
Daclapan E/S      
3                                        
Cecile Corrales 
Dardarat E/S


Lipit E/S
7
Edwin Duque, Gemma Ponce
Maradodon E/S
1

Nagsincaoan E/S
2
Nick Bringas
Namruangan E/S
5
Rodel Suniega
Pila E/S
2
Donato Sajor
Pug-os E/S
5
Claire Alcantara
Reppa-ac/Bato E/S
8
Francis de la Cruz, Cheryll Sonico
Sabang E/S
6
Edison Solatre, Randy Somera
Sagayaden E/S
6
Gilbert Asuncion,Vilma Manantan
Salapasap E/S
2
Genaro Solmerin, Maximo Sunio
Salomague E/S
5
Ronel Ubaldo
Sisim E/S
3

Turod E/S
3
Arbiano Sambrana, Ferdinand Asistin, Gerry Suniega, Joey Castro
          
 89 ti dati a bilang ti mapan nga scouts ngem naganay a 120 gapu ta agragut met ti dadduma a mapan agpadas a maki-Jamboree.  # (Rinetrato ken Insurat ni JOED S. SAJONIA)


Tuesday, November 29, 2011

DIRECT SEEDING, 5 EKTARIA A DEMO-FARM TI SITIO CALLAGUIP

Cabugao, Ilocos Sur (Nobiembre 29, 2011) -  Bunga ti nadur-as a panagsukisok ti  Ilocos Integrated Agricultural Research Consortium (ILIARC), DA-Ilocos Norte Provincial Center, Batac City,  agdiskubreda kadagiti klase ti pagay a maiyannatup kadagiti disso ti pagtatalonan nga adda iti kategoria ti saline (magam-odan ti apgad), submerge (kalubuan ken lungog), rainfed (agpannuray ti tudo), irrigated (adda pasayakna).

Babaen ti pannuporta ti Gobierno Munisipal babaen ti panangidaulo ni Mayor Edgardo “Ediboy” S. Cobangbang, Jr., nagkammayet ti ILIARC-INPC ken DA-LGU Cabugao a nangorganisar ti Techno-Demo Research ti lima nga ektaria iti Sitio Callaguip, Barangay Baclig, Cabugao, Ilocos Sur a buklen ti 10 a Farmer-Cooperators nga idauluan ni Edgardo Garcia ita a 2nd Cropping 2011-2012.

Idi Nobiembre 26, 2011, naaramid ti panagmulada babaen ti “direct seeding” wenno pannakaiwaris a natanang  ti napatubo a bukel ti pagay iti naisaganan a pagtatalonan nga apagsalapasap ti danumna. Tinarawidwidan  da Edwin Joseph Franco, Agriculturist ti ILIARC-INPC  ken Dionicia R.  Seatriz, Municipal Technologist, DA-LGU Cabugao ti pannakaiwaris dagiti bukel ti pagay.


Imbatad ni Franco a dumtengto ti panawen nga agsaltek ti maapit iti Hybrid (maximum plateau) ket maysa nga estratehiada ti pannakapatanor ti dadduma a klase ti pagay a mangbalanse ti panagbaba ti maapit. Kangrunaan a programa ti Gobierno Nasional ti panangpatasna ti kasapulan a pagtaraon  ti lumublobo  a populasion kasta met iti LGU’s, innayon ti Agrikultor. Daytoy ti gapuna a dida agsarday nga agsukisok ti mamulaan ta adu pay laeng ti nakatiwangwang a dagdaga/bangkag  iti  Rehion Uno  a masakupanda a mabalin a mamulaan (mapadanuman ken maiyiras) ti wagas a pannakamulana.
Panggep pay ti panagsukisok a maiwayat ti panagsanay dagiti mannalon tapno kalpasan daytoy a demo-farming ket nakasagananto metten dagiti sumaruno a mangimula kadagitoy a klase ti pagay kadagiti sabsabali a disso ti pagtatalonan. Bassit laeng ti pagdumaanda iti proseso iti pannakaipatungpal ti Techno-demo ti Hybrid daytoy a baro a takuat ti DA-ILIARC.

 

Manamnama a nangato ti bilang ti maapit no mataripato a nasayaat ti mula a pagay ken kasla inbred ti kaaduan a  sagudayna  ket agtultuloy met ti panangmonitor ti taga-DA-ILIARC-INPC ken DA-LGU Cabugao agingga a mapasingkedan nga agballigi ti Techno-Demo Research. # (Web Research)

Monday, November 28, 2011

UMAAYAMTAYO TI TAEKWONDO, BALITOK KEN SILVER TI INABAKDA!

Cabugao, Ilocos Sur (Nobiembre 28, 2011) – Uppat nga umaayam iti Taekwondo babaen ti Ilocos Sur Taekwondo Chapter ken taga-Cabugao, Ilocos Sur ti nangyalat ti dua a balitok, maysa a silver ken semi-finalist iti kalleppas a dangadang itoy nga ay-ayam a nabansagan ti BATANG PINOY 2011 a naangay sadiay FVR Gymnasium, Baguio City idi Nobiembre 24-27, 2011.
Dagiti sumaganad nga umaayam ken inyawidda a balligi:
 
Dseudenn Pyvan Pasia
Gold
Keybert Lee Lumbania
Gold
Jamela Mae Paligutan
Silver
Angelika Cammile Reintar
Semi-finalist
         
Malaksid iti Semi-finalist, dagiti tallo a kangrunaan a  Taekwondo Players ket maikasada manen para iti salisal ti NATIONAL BATANG PINOY a maaramid inton Disiembre 10-13, 2011 sadiay Naga City.


Iti ibibisita ti Taekwondo Team nga imbagian ni Coach Romel S. Singson iti opisina ni Mayor Edgardo  “Ediboy”  S. Cobangbang, Jr., inapresiar ti  Alkalde dagitoy a balligi ken pammadayaw a nagun-od dagitoy nga umaayam. Kalaksidan itoy, nanayonan pay ti panagtalekda iti bukodda a bagi ken kabaelan a makidangadang manen iti nangatngato a benneg ket mamati ti Mayor a mapagballigian dagiti umaayam daytoy a  sumaruno a pannakisalipda.

Nagyaman met  ti grupo ti Taekwondo Team iti pammigbig ken agtultuloy a  suporta ni Mayor Ediboy kadagiti naragpatda a balligi a nakaidayawanda ken iti ili ken probinsiada a naggapuanda.

“Gapu iti pannarabay  ken suporta ni Mayor Ediboy iti grupomi, isu pay ti inspirasionmi a manggaw-at ti balligi- uray manen ti papanmi idiay Naga City,” imbatad ni Coach Singson.

“Nagasat daytoy nga administrasion ta adda ti kas ken ni Sir Ediboy a patron ti sports a mangmangted ti importansia ti pagduyosan dagiti annakmi. Siguro inted ni Apo Dios a sagudayda daytoy  a Taekwondo ta iti baet ti kinababbai ti kinataoda, natibkerda met nga agduyos ti martial arts,” innayon met ti dua nga inna a taga-LGU nga adda annakda a sursurotenda no mapanda agsanay ken  makisalip.


Ti Taekwondo ket maysa a klase ti ay-ayam a mangtubay ti disiplina iti agtutubo, mangitandudo iti ehersisio a kasapulan ti salun-at, mangitag-ay ti kinasiasino ti agduyos babaen iti popularidad agsipud ta maibilang daytoy kadagiti nalatak nga ay-ayam a  mapagsasalipan ita iti tay-ak ti sports.

Daydi    Dios-ti-Aluadna a  Maestro Franklin Singson ti University of Northern Philippines (UNP) ti pioneer ti Taekwondo ditoy Ilocos Sur. Maysa a Karate Blackbelter ken mangisursuro idi  ti subject ti BS Criminology. Segun ken ni Romel a barona, nadiskubre ti amana  ti Taekwondo a napintas nga ay-ayam a maisaknap kadagiti agtutubo ken ubbing ta mayataday daytoy nga ay-ayam ti pannakapasayaat ti panagdakkelda no la ketdi aginteresadoda a sursuruen. #  (Insurat ni JOED S. SAJONIA)

Sunday, November 27, 2011

CABUGAO YOUTH ATHLETES SHINE IN TAEKWONDO, BADMINTON TOURNAMENTS

Dondon Edward Pichay and Mia Monique Suniega defeated all their competitors in the Level C Mixed Doubles at the 8th SOTX Badminton Cup held at the Don Antonio Sports Center in Commonwealth, Quezon City last November 26, 2011. They were declared champions in that category when they defeated a varsity team from Baguio City in three grueling sets, a Manila-based team in two sets and a Pampanga team in two highly engaging sets.

Representing the Cabugao Badminton Club, Dondon and Mia were awarded gold medals each and SOTX shoes as prizes. This is the first time the Cabugao Badminton Club was involved in badminton tournament action in Metro Manila although both of them have had experiences playing at Palarong Pambansa – the national sports competition for elementary and high school.


Meanwhile, the Cabugao Taekwondo Club recently joined the Batang Pinoy 2011 competition held in Baguio City from November 24 – 27, 2011. Dseudenn Pyvan Pasia and Keybert Lee Lumbania garnered gold in their respective weights while Jamela Mae Paligutan garnered silver and Angelika Camille Reintar entered the semifinal rounds. All medalists qualified to join the National Batang Pinoy 2011 which will be held in Naga City this December.

Our young athletes in these two sports events are starting to make great strides and with the support of the Local Government Unit through the auspices of Hon. Mayor Edgardo S. Cobangbang Jr., we could achieve greater goals and take pride in our young athletes.

Saturday, November 26, 2011

NAYON NGA HDPE TUBE, INTED NI DIPUTADO RYAN ITI BRGY. ARNAP

Cabugao, Ilocos Sur – Idi Nobiembre 24, 2011, sinabat dagiti opisiales ken lumugar  ti Barangay Arnap nga idauluan ni Kapitan Teodoro Tabula ti bagon a nagkarga iti 17 a rolyo ti High Density Polyetylene Tube (HDPE Tube),  60 metros ti kaatiddogna a nayon ti inted ni Diputado Ronald V.  Singson idi Setiembre 23, 2010 tapno makompleto ti mainstolar a pamaltuadan dagiti bumarangay iti mainum a danumda.

Daytoy a proyekto ket impaay ni Diputado Ryan Luis V. Singson, kabsat ni nag-Diputado Ronald V. Singson.


Iti sumuno nga aldaw, Nobiembre 25, 2011, simmangbay  ni Diputado Ryan agraman ti grupona iti Barangay Arnap  ket binayabay ida  dagiti opisiales ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno iyawatda daytoy a proyekto kadagiti lumugar babaen kadagiti opisiales nga idauluan ni Brgy. Captain Teodoro Tabula.

Nagyaman ti Kapitan ken dagiti kameng ti Konsehona kada Diputado Ryan ken Mayor Ediboy  iti naited a proyekto. Inulit ti Kapitan nga imbaga ti panangipategda ken panangaywanda  kadagitoy a naited a pagnam-ayanda kadagiti kalugaranna. Imbatad pay ni Kapitan Tabula a nabuslon  ti panagayat ti Pamilia Singson ti barangayda agsipud ta ni met laeng  Gov. Luis “Chavit” Singson ti nangted ti sigud a  tubo ti gripoda ditoy a barangay.


Kalpasan a nayawat ti proyekto, naaramid ti panagsalsaludsod dagiti taga-Media kas iti pannakabagi ti DWRS Commando Radyo, CORE TV kada Mayor Ediboy ken ni Diputado Ryan.

Ti panamagkakamang ti kalsada ken pannakasementoda ti kapatgan nga imbaga ni Mayor Ediboy. Ken pannakaaramid pay dagiti  dadduma pay a nasken a proyekto para kadagiti umili. Binigbig met  ti Mayor dagiti proyekto a naited ni Diputado Ronald iti ili a Cabugao  kasta metten ti panangitultuloy a pannangted  ni Diputado Ryan.

 
Imbatad met ni Diputado Ryan nga adu pay  ti proyekto nga umay iti Umuna a Distrito. Kangrunaan a dinakamat ti Diputado ti pannakasemento dagiti kalsada, computers a maited kadagiti pagadalan, pannakapasayaat ti pagdagusan dagiti Surfers idiay Barangay Sabang a pangatrakar ti Turismo, pannakaidur-as ti Airport ti Vigan City tapno maakomodar dagiti dadakkel nga airlines kas iti PAL  ken panamagbalinna nga umuna nga  Economic Zone santo  Freeport Zone ti Port Salomague. Innayon pay ti agkabannuag a Diputado a dagitoy ti kangrunaan nga itrabahona idiay Kongreso ken opisina ti Philippine Economic Zone Authority (PEZA) tapno naan-anayen  a maited ti panagdur-as ti Umuna a Distrito.


Naisaruno ti pananggetteng ni Diputado Ryan ti laso a mangipalnaad ti mabalinen a   pannakausar ti baro a kalsada a nakongkreto iti Barangay Pila a no sadino a ditoy ket nagatendar dagiti opisiales ti Barangay nga idauluan ni Kapitan Romeo Galamgam.

Binayabay da Vice Mayor Danny Q. Gazmen, ABC President, Rizal Brgy. Captain Teddy U. Soller, Kapitanes ken lumugar  ni Diputado Ryan kabayatan nga iyawatna kadagiti lumugar daytoy a kalleppas a proyekto. # (Insurat ni JOED S.   SAJONIA/Rinetrato,  ab/photography)