Monday, July 31, 2017

PAY-OUT TI 4 Ps BENEFICIARIES, NAILEPPAS

Cabugao, Ilocos Sur – Naangay ti Pay-out ket naserbisyuan ti umabot iti 95  a Households   ti Pantawid Pamilyang Pilipino Program (4 Ps) kadagiti barangay ti Munisipalidad ti Cabugao idi  Hulio 28, 2017.

Maibasar iti pakaammo ti 4 Ps Municipal  Operations Office (MMO), adda 95 a Households nga immawat iti dagup a gatad a P202,400.00.

Timmulong dagiti Staff ti Municipal Link-Cabugao nga isuda Ms. Juliet Madriaga; Miss Aida S. Cueto ken ni Ms. Rosemarie Pespes iti nasao a Pay-out. 

Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti Ahensia ti DSWD ken  kapartnerna ti LGU-Cabugao  a makasakup kadagiti benepisiario. # (Web In-Action)

SELEBRASION TI NATIONAL DISABILITY PREVENTION & REHABILITATION WEEK, NAANGAY

Cabugao, Ilocos Sur –  Naangay ti selebrasion ti National Disability Prevention & Rehabilitation Week babaen iti Tema: “Karapatang Pribelehiyo ng may Kapansanan: Isakatuparan at Ipaglaban” iti Early Childhood Care Development Building idi Hulio 28, 2017 ket nagpartisipar ditoy dagiti ubbing nga addaan ti pagkapuyan ken tinarabay dagiti nagannak ken mangisursuro iti SPED, DepED Cabugao ken iti STAC-Cabugao.


Iti Opening Program, nangipaay ti Welcome Address ni Mrs. Constancia “Connie” L. Quinola MLG Officer  ken bininsana pay ti Overview of the Activity. 




Naglektiur ni Dr. Mark-Lawrence T. Tirao, OIC Municipal Health Officer maipapan iti programa ken pakaseknan dagiti disable. Nangited met ti update ni Mrs. Perla S. Sajonia iti pakaseknan dagiti ad-adalanda iti Special Education (SPED) iti DepED District.



Nagatendar ni Mrs. Lydia S. Gazmen, MSWD Officer ken nangipaay met ti mensahena iti pannakaitandudo dagiti kalintegan ken karbengan dagiti Persons with Disabilities (PWDs) iti ili a Cabugao. 



Natratar  pay iti pakaseknan iti Republic Act No. 7277  wenno Magna Carta for Disabled Persons a kastoy ti dadduma a sinagudayna: Persons with Disability or PWDs as “those suffering from restriction of different abilities, as a result of a mental, physical or sensory impairment, to perform an activity in the manner or within the range considered normal for a human being.” 



Naaramid ti Open Forum ket naidatag dagiti pakaseknan dagiti Pamilia ti PWDs ket natamingda a naan-anay sakbay a naiserra ti programa. # (Web In-Action)

MDRRMC-CABUGAO, NAGRESPONDEDA ITI PANAWEN TI BAGYO

Cabugao, Ilocos Sur – Naipamatmat ti akem ti Municipal Disaster Risk Reduction Management Council (MDRRMC)  babaen iti panagresponde dagiti kameng ti Emergency Response Team (ERT) iti panangiwardas ni Engr. Nestor B. Somera, LDRRMC Officer  gapu iti ilalabas ti Bagyo Gorio a nangibulanos iti napigsa unay a tudo ken adda kabulonna a sangkabassit nga angin.

Babaen iti Philippine Weather Bureau ti  PAGASA, ti  Typhoon Gorio (Nesat)  ket pimmanaw iti Philippine Area of Responsibility (PAR) sakbay ti parbangon iti Hulio 30, 2017  ta nagland-fall iti pagilian ti Taiwan idi rabii ti Sabado, Hulio 29, 2017.

Kanaig daytoy, nasuspender ti klase dagiti pagadalan (Elementaria ken High Schools iti Public ken Private) idi malem ti Hulio 28, 2017 maigapu iti napigsa a tudo a nagtinnag. Daytoy  ti pinasingkedan babaen iti Pammilin  ni Mayor Josh Edward S. Cobangbang iti LGU-Cabugao.

Agsipud ta agtultuloy latta ti panagbuelo iti napipigsa a tudo ditoy a deppaar maigapu iti agbukbukel manen a Tropical Depression iti lokalidad ket naulit ti pannakasuspender ti klase iti amin a benneg ti pagadalan iti Munisipalidad ti Cabugao iti kaaldawan ti Hulio 31, 2017 babaen met laeng iti Pammilin ni Mayor Josh Edward S. Cobangbang tapno maipasigurado iti naan-anay a seguridad dagiti ubbing ken mangisursuro. # (Web Situational Report)

Friday, July 28, 2017

DAY 4 TI WARAS DAGITI GANAGAN, NAURNOS KEN NABALLIGI

Cabugao, llocos Sur –  Maikapat   nga aldaw a naaramid ti distribusion ti  Fertilizers kadagiti ID Card Holder a mannalon ti Brgy. Nagsincaoan; Brgy. Lipit; Brgy. Cacadiran; Brgy. Cuantacla   ken ti Barangay Carusipan, Cabugao, Ilocos Sur  iti kabigatan ti Hulio 27, 2017 (8:30 AM-12:00 Noon). 

Daytoy ket parte ti programa ti LGU-Cabugao iti pannakatulong dagiti mannalon a pannakaited daytoy libre a ganagan a mainayon iti puonanda  iti panagtalonda iti Wet Season 2017 (Hunio-Nobiembre). 

Naaramid ti panagwaras iti ganagan kadagiti Barangay Hall dagiti nadakamat a barangay.

Manamnama nga agkair nga 722   ti  bilang ti ID Card Holder a mannalon iti makaawat iti sag-dudua a ganagan ket umabot met iti bilang nga 1,444   a bags iti maiwaras ita a petsa Hulio 27, 2017 wenno eskediul iti maikapat   a distribusion.

Tumartarabay ni Municipal Agriculturist Robert S. Savella iti pannakaiwaras dagiti  ganagan (Urea 46-0-0 ken ti Ammonium Phosphate 16-20-0), sagdudua iti tunggal  mannalon a kameng kadagiti Farmers  Association ti ili.

Dagitoy a  ganagan ket naisangrat nga usaren dagiti mannalon iti panagtatalon iti Wet Season 2017  (Hunio-Nobiember) ken naggapu iti  Local Government Unit ti ili a Cabugao nga idauluan ni Mayor Josh Edward S. Cobangbang.

Makipaset met iti nadakamat nga aktibidad dagiti Opisiales ti Barangay; Farmers Association ken  dagiti  Personnel ti DA-LGU Cabugao  nga isuda Nathaniel B. Galamgam; Ester P. Aguimbag; Arcelie Racho; Edgar S. Balangatan; Katrine Tapuro; Obas Bill Y. Baclig ken ni Melanie Saquiton kadaytoy a nadakamat nga eskediul. # (Web In-Action)

Thursday, July 27, 2017

3rd DAY TI PANNAKAIWARAS DAGITI LIBRE A GANAGAN ITI ILI TI CABUGAO, NABALLIGI

Cabugao, llocos Sur –  Maikatlo  nga aldaw a naaramid ti distribusion ti  Fertilizers kadagiti ID Card Holder a mannalon ti Brgy. Maradodon; Brgy. Catucdaan; Brgy. Aragan   ken ti Barangay Sisim, Cabugao, Ilocos Sur  iti kabigatan ti Hulio 26, 2017 (8:30 AM-12:00 Noon) babaen iti programa ti LGU-Cabugao a pannakaited kadagiti mannalon iti libre a ganagan ita a panagtatalon iti Wet Season 2017 (Hunio-Nobiembre). Naaramid ti panagwaras iti ganagan kadagiti Barangay Hall dagiti nadakamat a barangay.

Manamnama nga agkair nga 1,345  ti  bilang ti ID Card Holder a mannalon iti makaawat iti sag-dudua a ganagan ket umabot met iti bilang nga 2,690  a bags iti maiwaras ita a petsa Hulio 26, 2017 wenno eskediul iti maikatlo  a distribusion.

Tumartarabay ni Municipal Agriculturist Robert S. Savella iti pannakaiwaras dagiti  ganagan (Urea 46-0-0 ken ti Ammonium Phosphate 16-20-0), sagdudua iti tunggal  mannalon a kameng kadagiti Farmers  Association ti ili.

Dagitoy a  ganagan ket naisangrat nga usaren dagiti mannalon iti panagtatalon iti Wet Season 2017  (Hunio-Nobiember) ken naggapu iti  Local Government Unit ti ili a Cabugao nga idauluan ni Mayor Josh Edward S. Cobangbang.

Kamalman dayta a petsa, maibatang met a maikkan ti libre a ganagan dagiti mannalon (ID Card Holder)  iti Brgy. Turod Patac; Brgy. Arnap; Brgy. Alina-ay ken ti Barangay Cuancabal.

Makipaset met iti nadakamat nga aktibidad dagiti Opisiales ti Barangay; Farmers Association ken  dagiti  Personnel ti DA-LGU Cabugao kadaytoy a nadakamat nga eskediul. # (Web In-Action)

2nd DAY TI PANNAKAIWARAS DAGITI LIBRE A GANAGAN ITI ILI TI CABUGAO, NABALLIGI

Cabugao, llocos Sur –  Maikadua nga aldaw a naaramid ti distribusion ti  Fertilizers kadagiti ID Card Holder a mannalon ti Brgy. Dardarat; Brgy. Salomague; Brgy. Sabang  ken ti Barangay Quezon, Cabugao, Ilocos Sur  iti kabigatan ti Hulio 25, 2017 (8:30 AM-12:00 Noon) babaen iti programa ti LGU-Cabugao a pannakaited kadagiti mannalon iti libre a ganagan ita a panagtatalon iti Wet Season 2017 (Hunio-Nobiembre). Naaramid ti panagwaras iti ganagan kadagiti Barangay Hall dagiti nadakamat a barangay.

Manamnama nga agkair nga 1,034  ti  bilang ti ID Card Holder a mannalon iti makaawat iti sag-dudua a ganagan ket umabot met iti bilang nga 2,068  a bags iti maiwaras ita a petsa Hulio 25, 2017 wenno eskediul iti maikadua a distribusion.

Tumartarabay ni Municipal Agriculturist Robert S. Savella iti pannakaiwaras dagiti  ganagan (Urea 46-0-0 ken ti Ammonium Phosphate 16-20-0), sagdudua iti tunggal  mannalon a kameng kadagiti Farmers  Association ti ili.

Dagitoy a  ganagan ket naisangrat nga usaren dagiti mannalon iti panagtatalon iti Wet Season 2017  (Hunio-Nobiember) ken naggapu iti  Local Government Unit ti ili a Cabugao nga idauluan ni Mayor Josh Edward S. Cobangbang.

Kamalman dayta a petsa, maibatang met a maikkan ti libre a ganagan dagiti mannalon (ID Card Holder)  iti Brgy. Marga-ay; Brgy. Bungro; Brgy. Salapasap ken ti Barangay Pug-os.

Makipaset met iti nadakamat nga aktibidad dagiti Opisiales ti Barangay; Farmers Association ken  dagiti  Personnel ti DA-LGU Cabugao kadaytoy a nadakamat nga eskediul. # (Web In-Action)

TB CARAVAN PLUS, INANGAY TI DOH DITOY ILI TI CABUGAO

Cabugao, Ilocos Sur – Naangay ti Medical Mission ti Department of Health (DOH) Regional Office  1 Medical Mission Group babaen iti pannakikammayetna iti Local Government Unit (LGU)-Cabugao nga idaluan ni Mayor Josh  Edward S. Cobangbang.

Daytoy a krusada ti DOH ket addaan iti Tema: “All  for Health Towards Health for All”  a maar-aramid iti tunggal Munisipalidad ti Ilocos Sur a nayeskediul a pagipatungpalanda kadaytoy a programa ti DOH.

Iti kabigatan ti Hulio 26, 2017, naaramid ti Medical Caravan iti RHU-Cabugao a nakipasetan dagiti umili kangrunaan dagiti adda iti barangay nga addaan ti sakit a mapaagasan.

Umuna nga agrehistro ti Pasiente babaen iti Admission Form ket mailanad ditoy iti Patient Profile agraman dagiti rikriknaen ti maseknan a pasiente. Maiturong ti Pasiente iti Medical Check-up kalpasan a maala ti Blood Pressure-na. Tamingen dagiti tallo a Dodoktor nga isuda Dr. Joyanne Mae C. Taccayan; Dr. Mark-Lawrene T. Tirao ken ni Dr. Virgilio Mangapit, DMO, Provincial DOH Office ket maikkanda iti tumutop nga agas nga ited dagiti Staff ti DOH. 


Malaksid iti Medical Examination ket mataming pay dagiti adda problemana  iti Dental ken maidiaya ti libre a serbisio ti X-Ray.

Dagiti nangbukel iti TB Caravan Plus ket dagiti sumaganad: Mark Darren Cacanindin ken Maria Elenor Sison ti DOH Region1; Lester Aldrine Rayray; Hermie Azares; Gerilette Rosario ken ni Dr. Percival Savella, agpapada a nagggapu iti Provincial Health Office-Ilocos Sur; Imelda Cavmada ken Kriza Vagay iti Provincial DOH Office. Nagpaay a District Coordinators da Violeta Ancheta ken ni Melody Edmalin.

Timmarabay dagiti Medical Personnel & Staff ti RHU-Cabugao nga idauluan ni Dr. Mark-Lawrence T. Tirao. # (Web In-Action)

AKEM TI MDRRMC-CABUGAO ITI PANAWEN TI KALAMIDAD, NAPAPIGSA

Cabugao, Ilocos Sur – Kalpasan ti Flag Raising Ceremony idi Hulio 24, 2017, imbasa ni HRM Officer Miss Mimi S. Sison iti imatang ti Pamilia-LGU iti Pammilin ni Mayor Josh Edward S. Cobangbang maipapan iti agtultuloy nga akem ken pannakapapigsa ti Municipal Disaster Risk Reduction Management Council (MDRRMC) ken kasta metten a naipakaammo dagiti kameng iti Emergency Response Team (ERT) nga agaksion no tiempo ti kalamidad ken dagiti pagrebbengan dagitoy tapno mapapintas iti serbisio kadagiti umili a maapektaran iti kalamidad.


Kanaig daytoy, impakaammo ni Engr. Nestor B. Somera, LDRRM Officer ti LGU-Cabugao dagiti napagasatan  nga empleado a nakaileppas iti uppat  nga aldaw a panagsanay iti “Intensified WASAR Training” a naangay  idi Hulio 19-22, 2017 a kas maiyataday iti  Disaster Preparedness Program ti  MDRRMC.  Dagiti nagsanay ket isuda Danica Gazmen Magdato - Team leader, Michael Vicente, Shirley Solar, Daisy Ann Sienna, Bernadette Pacpaco, Nikki Palazo, Jonnell Solomon, Marvin Serrano, Gio Serna, Enzo Madamba, Nathan Vallejo, Dondon Pichay, Eladio Cabero & ken ni  Boonchan Tan.

Daytoy a panagsanay ket insayangkat ti PDRRMC-Ilocos Sur a nagpartisiparan dagiti pannakabagi iti nadumaduma a Munisipalidad iti Probinsia. # (Web In-Action)

Wednesday, July 26, 2017

PAY-OUT DAGITI SENIOR CITIZENS ITI 3RD QUARTER, NAILEPPAS

Cabugao, Ilocos Sur – Naangay ti pay-out wenno pannakaited  ti Social Pension  iti  umabot ti 1,123  a  bilang ti Beneficiaries (babbaket ken lallakay)  a kameng ti Senior Citizens manipud iti 33 a barangay iti ili a Cabugao. Inawatda ti tallo a  bulan  a  para iti 3rd  Quarter  2017  a pensionda manipud iti DSWD Region 1 ket naangay ti pay-out iti Cabugao Cultural and Sports Complex, Brgy. Rizal, Cabugao, Ilocos Sur idi  Hulio 21, 2017.

P1, 500 ti naituding nga inawat  ti maysa a Beneficiary. Agdagup ti tallo  a bulan (Hulio-Setiembre 2017)  iti pakabuklan ti inawat  ti tunggal maysa.

Iti pannaki-amad ti Web In-Action,  impakaammo  ni Mrs. Lydia S. Gazmen, Municipal Social  Welfare Development Officer ti LGU-Cabugao nga umabot ti P1,684,500 iti dagup ti gatad a naited kadagiti  benepisiario.

Nagatendar  iti nasao a pay-out activity da Mrs. Lydia S. Gazmen, Municipal Social  Welfare Development Officer; Municipal Treasurer Mrs. Lourdes A. Azcueta; Social Welfare Assistant Leonora G. Reintar ken dagiti napusgan a Personnel ti LGU-Cabugao a timmulong iti nadakamat a pay-out activity. 

Dagitoy nga aksion ken inisiatiba ket paset iti pro-poor program a nagkammayetan nga ipatungpal iti  Ahensia ti DSWD ken ti Gobierno Lokal nga idauluan ni Mayor Josh Edward S. Cobangbang. # (Web In-Action)

MUNICIPAL NUTRITION MONTH 2017 CELEBRATION, NAANGAY

Cabugao, Ilocos Sur – Naangay ti One-day Celebration ti Municipal Nutrition Month 2017 ti ili a Cabugao, Ilocos Sur babaen itii Tema: “Healthy diet, Gawing habit for life” iti St. Mark the Evangelist Parish Hall, Brgy. Rizal, Cabugao, Ilocos Sur a nagatendaran dagiti Barangay Nutrition Scholars (BNS) ken Child Care Development Workers (CDWs)  iti ili a Cabugao, Ilocos Sur iti Hulio 25, 2017.



Nagpartisipar dagiti Opisiales  ti LGU-Cabugao nga isuda SBM Atty. Bryan Jett S. Pano; MNAO Jeanette Garcia; MLG Officer Connie Lazo Quinola; OIC Municipal Health Officer Dr. Mark-Lawrence T. Tirao ket nangipaayda met iti mensaheda maipapan iti Tema ken iti panagballigi ti nadakamat a selebrasion.



Nangted ti Mensahena ni Mayor Josh Edward S. Cobangbang. Kimmablaaw ken nagyaman iti padamag a dakkel ti  nagdur-asan  ti trabaho iti nutrision iti Munisipalidad ket kunana a kasapulan a tungpalen iti inaldaw ti ipaawat ti Tema a “Healthy diet, Gawing habit for life” ta daytoy ti pundasion iti napaut a panagbiag ken panangnanam iti kaipapanan ti panagbalin a nataengan.




Nakulminar ti  selebrasion babaen kadagiti naaramid a Lecture a nagsaritaan dagiti Resource Speakers; naiwayat a Quiz Bee a nakagrupuan dagiti partisipantes ket impaay ni Mayor Josh Edward S. Cobangbang dagiti Premio dagiti mangabak a kas iti First Prize – 1,500; 2nd Prize – 1,000; 3rd Pirize – 500 ken giveaways kadagiti consolation prizes. # (Web In-Action) 

PROYEKTO PARA KADAGITI MANGNGALAP, NAIKASADA!

Cabugao, Ilocos Sur – Segun ken ni Municipal Fisheries Coordinator Nereo S. Daproza ti LGU-Cabugao, simmangpeten ti dadduma kadagiti proyekto a nakiddaw ken kasapulan dagiti coastal barangays iti ili a Cabugao, Ilocos Sur kas iti sumaganad:

1. Aquasilvi Project – 3,000 Malaga Fingerlings para idiay Barangay Dardarat ket madama ti pannakaaramid dagiti Fish Cages-da.

2. Oyster Farm – Madama ti pannakaaramid ti 24 Plastic Drum Floater iti Barangay Dardarat ken adda  150 a pedaso ti kawayan a suportarna.

Dagiti dadduma a plano a maipatungpal ket dagiti sumaganad:

1. Uppat a Payao Projects ti maipatakder iti Barangay Dardarat; Brgy. Salomague ken iti Barangay Namruangan kadaytoy agtapos ti Setiembre 2017.

2. Maaramid ti Seaweeds Nursery/Farm idiay Barangay Salomague inton maudi a Quarter daytoy a Tawen 2017.

Innayon ni Mr. Daproza nga addan 25 a nareorganisar a Fishermen Associations iti ili a Cabugao a mangsakup iti pito a coastal barangay ti ili ket manamnama nga agaktibo iti umabot ti 1,200 a bilang ti rehistrado a mangngalap a makikammayet kadagiti programa ken aktibidad  ti LGU-Cabugao nga idauluan ni Mayor Josh Edward S. Cobangbang pakaseknan iti pannakapasayaat ti kasasaad dagiti mangngalap.

Kadua ni Mr. Daproza da SBM Atty. Randy Baniaga G. Kinaud, Chairman, Committee on Agriculture, Fisheries and Organizations ti Konseho Munisipal  agraman ken ni MFARMC Chairman Danny S. Garcia ken ni Federated Fishermen President Magno Carbonel a mangtimtimon kadagiti mangngalap ken mangtartarabay kadagiti aktibidades ken proyektoda a maipatungpal babaen iti BFAR Region 1 ken ti LGU-Cabugao. # (Web In-Action)

Tuesday, July 25, 2017

LIBRE A GANAGAN, MAITED KADAGITI MANNALON ITI CABUGAO

Cabugao, llocos Sur – Umuna a naaramid ti distribusion ti  Fertilizers kadagiti ID Card Holder a mannalon ti Brgy. Rizal; Brgy. Bonifacio; Brgy. Pila  ken ti Barangay Sagayaden, Cabugao, Ilocos Sur  iti kabigatan ti Hulio 24, 2017 (8:30 AM-12:00 Noon) babaen iti programa ti LGU-Cabugao a pannakaited kadagiti mannalon iti libre a ganagan ita a Wet Season 2017 (Hunio-Nobiembre). Naaramid ti panagwaras iti ganagan kadagiti Barangay Hall dagiti nadakamat a barangay.



Manamnama nga agkair a 920 a bilang ti ID Card Holder a mannalon ti makaawat iti sag-dudua a ganagan ket umabot met iti bilang nga 1,840 a bags ti maiwaras ita a petsa wenno eskediul ti umuna a districusion.



Tumartarabay ni Municipal Agriculturist Robert S. Savella iti pannakaiwaras dagiti  ganagan (Urea 46-0-0 ken ti Ammonium Phosphate 16-20-0), sagdudua iti tunggal  mannalon a kameng kadagiti Farmers  Association ti ili.



Dagitoy a  ganagan ket naisangrat nga usaren dagiti mannalon iti panagtatalon iti Wet Season 2017  (Hunio-Nobiember) ken naggapu iti  Local Government Unit ti ili a Cabugao nga idauluan ni Mayor Josh Edward S. Cobangbang.



Kamalman dayta a petsa, maibatang met a maikkan ti libre a ganagan dagiti mannalon (ID Card Holder)  iti Brgy. Namruangan; Brgy. Turod; Brgy. Baclig ken ti Barangay Daclapan.



Makipaset met iti nadakamat nga aktibidad dagiti Opisiales ti Barangay; Farmers Association ken  dagiti  Personnel ti DA-LGU Cabugao kadagitoy a nadakamat nga eskediul. # (Web In-Action)

Monday, July 24, 2017

AGTULTULOY A MAIPATUNGPAL TI CLEAN AND GREEN KEN SOLID WASTE PROGRAM

Cabugao, Ilocos Sur – Iti pannaki-amad ti Web In-Action iti Hulio 20, 2017,  imbatad ni Mr. Edgar  S. Balangatan, AT, MENRO-Designate, Municipal Clean and Green and Solid Waste Program Coordinator  iti   agtultuloy  a panaglinisda kadagiti pampubliko a pasilidad ti LGU-Cabugao.

Kanaig daytoy, regular a maiwayat iti  Clean-up Drive iti pito a Coastal Barangay nga idauluan  dagiti Opisiales ti Barangay-da  iti parte a masakupanda babaen iti itutulong dagiti sektor ken asosasion iti barangayda.

Kabayatanna, maar-aramid latta  ti regular a panaglinis iti agsumbangir ti Kalsada Nasional manipud Barangay Sagayaden agingga iti Barangay Pug-os babaen iti panagtinnulong dagiti LGU Personnel ti Clean and Green ken kameng ti  Maintenance Section ti DPWH-Bantay, Ilocos Sur ken ti Kyeryong Company. 

Nupay kasta, insupusop ni MENRO Balangatan a saan nga agsina a pakaseknan ti Munisipio iti maipapan iti Solid Waste Management ken iti Clean and Green iti intero a Munisipalidad ken uray iti uneg ti Tiendaan ti NISTC Public Market.

Kabayatanna, naannayas a maipatpatungpal ti Municipal Ordinance No. 2017-01 a maawagan iti “No Plastic Bag Day” iti kada aldaw ti Lunes a  mangipawil iti panagusar iti Plastic Bags/Plastic Cellophane ken  Styropor/Styrofoam  para iti  Packing /Bagging Materials. Kangrunaan pay laeng a pakaisentruan daytoy nga ordinansa kadagiti Tiendaan, National Highway ken disso dagiti pasilidades ti Gobierno Lokal.

Agtultuloy met a maipromot iti panagdaldalus kadagiti kalsada kadagiti barangay, segun ken ni MENRO Balangatan. 

Dagitoy nga aksion ken inisiatiba ket resulta iti napintas a koordinasion dagiti Opisina ken Ahensia a maseknan ken adda iti salinong  ti LGU-Cabugao nga idauluan ni Mayor Josh Edward S. Cobangbang. # (Web Situational Report)

Thursday, July 20, 2017

2-DAY PINAY POWER CARAVAN 2017 SEMINAR, NAILUNSAD DITOY ILI TI CABUGAO

Cabugao, Ilocos Sur – Naaramid ti maysa nga aldaw ti seminar ti Pinay Power Caravan 2017-5th Leg ditoy ili a Cabugao, Ilocos Sur iti panangidaulo ni SPM Mika Singson Mendoza ti Provincial Government-Ilocos Sur iti Hulio 20-21, 2017. 

Iti Day 1, naaramid  ti panagtitipon dagiti maseminar iti Early Childhood Care Development Building. Nagpartisipar dagiti Kagawad ti Barangay iti ili ti San Juan ken ti ili ti Cabugao kasta metten dagiti lallaki a nangibagi kadagiti masektoranda ken binayabay dagiti Opisiales ti nasao a dua nga ili nga inyuna ni SBM Vicky S. Serna, Chairman, Committee on Women and Family Affairs iti Konseho Munisipal ti Cabugao.


Kalpasan ti Invocation; pannakakanta ti National Anthem ken iti Ilocos Sur Hymn, nangipaay ti Welcome Remarks ni SBM Vicky S. Serna. Kimmablaaw ken nagyaman kadaytoy a paseminar ti Pinay Caravan 2017 Power nga es-esponsoran ti Provincial Government; Sangguniang Panlalawigan; Gabriela Women’s Party; JCI Vigan; ken Ilocos Sur Ladies for Ryan tapno manayonan iti pannakaammo dagiti umili iti kalintegan ken karbenganda nangruna iti Sektor-Kababaian partikular iti probision ti RA 9262 ( Anti-Violence Against Women and Their Children Act of 2004). 

Kalpasan ti Opening Program, nagsarita ni SPM Mika S. Mendoza, Chairman, Committee on Women and Family Affairs iti Hunta Probinsial maipapan iti Personality Development Talk,  “Embracing Ourselves”. Kimmablaaw ken nagyaman kadagiti nagpartisipar iti dua nga ili. Kinunana a maiwaywayat daytoy a Caravan tapno maipadanon kadagiti Opisiales ti Barangay ken iti Sektor ti Kababaihan tapno maammuanda iti situasion ken kasapulan dagiti maseknan a sektor mainaig iti  panagpandayda iti linteg a mangitag-ay iti karbengan a mainayon a  mangpasayaat ti kasasaad dagiti kaprobinsiaanna ditoy 1st District. 

Naisaruno a naiyadal ti Anti—Violence Against Women and Children (VAWC) ken ti Legislative Workshop (Part 1) Legislative 101: Your Voice Matters iti kamalmanna. 

Nangipaay ti Mensahena ni Mayor Josh Edward S. Cobangbang. Binigbigna a maysa met a napateg a maipasagepsep  dagiti kalintegan  dagiti babbai ken ub-ubbing ken iti pakaseknan ti pamilia agsipud ta daytoy ti pundasion ti sosiedad.
Dinayawna dagitoy a tignay a mangipaay iti pannakanayon ti kaammuan dagiti partisipantes tapno agserbida a katulongan a mangiwanwan kadagiti umili a mangtunton iti pagsayaatan ti sektorda.

Naited ti Sertipiko iti Pammigbig iti LGU-Cabugao nga idauluan ni Mayor Josh Edward S. Cobangbang iti panangsuportana kadaytoy a programa ti Sangguniang Panlalawigan ken iti Junior Chamber International Vigan, Inc. ken ti Gabriela Women’s Party.

Maaramid ti Day 2 ti nadakamat a seminar iti Munisipio ti San Juan, Ilocos Sur iti Hulio 21, 2017 a parpartisiparan met laeng dagiti nadakamat a sektor.  # ( Web In-Action)