Wednesday, May 31, 2017

TULONG TI DA-LGU KADAGITI MASAPA NGA AGTALON, NAIRUSAT

Cabugao, Ilocos Sur – Tumultulong ti LGU-Cabugao a mangpataud ti bin-i nga usaren dagiti masapa nga agtalon ita a Wet Season 2017 (Hunio-Nobiembre) babaen iti pannaki-koordinarda kadagiti Ahensia ken Kompania a makaited iti nababbaba a presio nangruna iti certified ken inbred seeds.

Iti kallabes, naaramid ti distribusion ti  Hybrid Rice Seeds  babaen iti programa a  High Yielding Technology Adoption (HYTA)  a proyekto ti National Government kadagiti mannalon iti ili a Cabugao, Ilocos Sur  ket epektibo ti resulta daytoy.

Kabayatanna, pinatibker ni  Mr. Nathaniel B. Galamgam, AT, agdama a Municipal Rice Program Coordinator dagiti lideres  dagiti mannalon babaen iti agtultuloy a panangtarabay ti Munisipio kadakuada ket numan pay paset ti inisiatibada iti makikammayet kadagiti kompania nga itantandudo ti Departamento ti Agrikultura (DA), saan met nga agbaybay-a ti Gobierno Munisipal a mangkita iti pangkomplementar kadagitoy a programa ti sektor-agrikultura nangruna ita a pannnakairubuat ti Wet Season 2017 ita a tawen.

Impakaammo dagiti mannalon a nasamay ti panangibagnos dagiti Staff ti DA-LGU Cabugao nga idauluan ni Municipal Agriculturist Robert S. Savella a mangbirok ti usarenda a bin-i a  pangrugian dagiti  mannalon iti pannakaimula dagiti kita ti bukel  ken pannakayaplikar dagiti teknolohia a kabuybuyogna para iti panagtalon iti Wet Season 2017 (Hunio-Nobiembre). # (Web In-Action)

NEW CABUGAO ONION AND GARLIC GROWERS ASSOCIATION, NAGMITINGDA

Cabugao,, Ilocos Sur -  Naangay ti miting dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan iti Mayo 31, 2017 iti Rizal Park, Brgy. Rizal, Cabugao, Ilocos Sur.

Maibasar iti rekord, umaboten  ti 40 dagiti Miembros iti nasao nga Asosasion.

Kangrunaan a napagpapatangan ditoy iti panagbayadda iti nasublatda a pinagpuonanda iti panagmulada iti kallabes ken nataming pay iti dadduma a pakaseknanda a kas  iti pinansial; aktibidad ken kasasaadda   ita a Tawen 2017.

Naballigi pay a trinatarda dagiti dadduma a pakaseknanda iti uneg ti asosasion-da a pangpatibker ti gimongda. 

Dagiti Opisiales ti New Cabugao Onion and Garlic Association ti ili:

President – Henry Saliganan; Vice President – Wenceslao Soto; Virginia  Seatriz,  Secretary; Melinda Aquino, Assistant Secretary;  Treasurer –Renato Federico; Assistant Treasurer - Ernie Silario;  Auditor – Emigio Saribay; Business Manager – Aurelio Tabil ken Renato Sapla.

Ti Asosasion ket buklen dagiti agmulmula kadagitoy a cash crops a masarakan ida iti Brgy. Pug-os, Salapasap, Dardarat, Namruangan, Daclapan, Sabang, Salomague, Alina-ay, Turod ken Baclig. # (Web In-Action)

BHWs MEETING KEN ORIENTATION, NAANGAY

Cabugao, Ilocos Sur – Naangay ti Meeting dagiti kameng ti Federated Barangay Health Workers (BHWs) Association  ti 33 a barangay ti ili a Cabugao nga idauluan ni Mrs. Natividad Castillo, Presidente  idi Mayo 29, 2017 iti Cabugao Cultural and Sports Complex, Brgy. Rizal, Cabugao, Ilocos Sur.

Natratar ti pannakaited ti baro nga Identification Card (ID) dagiti Barangay Health Workers (BHWs) ken nag-seminarda maipapan iti Family Planning ken Immunization idiay pasdek ti Rural Health Unit (RHU) babaen kadagiti Nurses ti Nurses Deployment Program (NDP) iti Department of Health (DOH). 

Dagitoy nga aksion ken inisiatiba ket paset iti pannakaitandudo ti programa ti salun-at iti LGU-Cabugao nga idauluan ni Mayor Josh Edward S. Cobangbang ken iti panangtulong ti 

Munisipio kadagiti igannuatda a programa ti  BHWs kadagiti barangay.

Manamnama nga agtutuloy a sumaysayaat ti serbisio dagiti BHWs gapu iti nasiken a pannakikammayetda kadagiti Opisiales ti Barangay ken iti Gobierno Lokal iti panangipatungpalda iti pagrebbenganda a kas pannakabagi ti Sektor-Salun-at iti Barangay,  segun ken ni Dr. Mark-Lawrence T. Tirao, M.D. iti Municipal Health Office ti ili a  Cabugao. # (Web In-Action)

Tuesday, May 30, 2017

RICE ACHIEVER AWARD, THREE-TIME WINNER TI TEKNISIAN TI LGU-CABUGAO!

Cabugao, Ilocos Sur – Napadayawan manen ni Mr. Nereo  Somera  Daproza, AT, ken dati a   Municipal Rice Program Coordinator ti LGU-Cabugao, Ilocos Sur iti maikatlo a gundaway a kas maysa kadagiti Outstanding Agricultural Extension Workers (AEW),  Rice Achievers Award 2017  iti Department of Agriculture (DA), impakaammo ti DA-RFO 1, San Fernando City, La Union itay nabiit.

Daytoy ti maikatlo a pannakapadayaw ni Daproza a maysa kadagiti kagagetan ken kalaingan a Rice Technologist iti  intero a Region 1 ken iti nasional a benneg. 

Immuna idi  Tawen 2013 a nangyalatan ti ili ti Cabugao, Ilocos Sur  iti intero a Pilipinas iti Pammadayaw iti “Search for the CY 2013 Agri-Pinoy Rice Achiever’s Award” kas  maysa kadagiti “Outstanding Municipalities and LGU Agri-Extension Workers” babaen iti National Rice Program ti Department of Agriculture (DA).

Napili ken mapadpadayawan  ti LGU-Cabugao maigapu iti adu a maitultulongna iti pannakaidur-as ti produksion ti pagay iti Region 1 iti Tawen 2013 ken iti agdama.

Maikadua a pammadayaw ti nagun-od ni Daproza idi Tawen 2016 iti isu met la a kategoria.

Iti agdama, nadutokan itay nabiit ni Mr. Daproza a Municipal Fisheries Coordinator ngem tumultulong latta met iti implementasion ti Rice Banner Program ken Corn Banner Program ti LGU-Cabugao nga idauluan ni Mayor Josh Edward S. Cobangbang. # (Web In-Action)

Monday, May 29, 2017

MAYFLOWER FESTIVAL 2017 GRAND CORONATION, NAANGAY

Cabugao, Ilocos Sur – Narambakan ti Mayflower Festival 2017 Grand Coronation iti St. Mark the Evangelist Parish Church, Cabugao Catholic Church, Cabugao, Ilocos Sur  idi Mayo 28, 2017.

Iti naaramid a programa, nagmartsa ti Outgoing Queen Dianne Margarette Somera   ket simmaruno ti panagmartsa ti Royal Court ken Opening Remarks ti impaay ni Mr. Benjamin Castillo, Parish Pastoral Coordinator.

Naisaganad ti Investiture ti 31   a Princesses a nangirepresentar kadagiti Santa a Babbai agraman ken ni Queen Jee Kyla Suniega, Reyna Elena 2017. Naisaad ti Sashes dagiti Princesses ken Bouquet ken Coronet iti 1st Princess agingga iti 6th Princess babaen kadagiti napusgan a mangisaad kadagitoy a tanda ti pammadayaw-da.

Nakoronaan ni Reyna Elena 2017.
Nangipaay met ti Mensahe ni Rev. Fr. Felix A. Costales para iti sapasap.

Nakitinnarabay  met dagiti Opisiales ti LGU ken Barangay iti nadakamat a parambak.

Kalpasan ti Investiture, naaramid ti Procession dagiti kandidata ken Parishioners  iti Poblasion.

Ti panggep ti naangay a  Popularity Contest iti Flores de Mayo 2017  ket maiserbi kadagiti agdama a proyekto nga igang-gannuat ti Parokia ni San Markos Ebanghelista ti Iglesia Romano Katolika iti ili a Cabugao, Ilocos Sur. # (Web In-Action)

BALIK-ESKWELA 2017, ISAGSAGANAAN DAGITI AGAD-ADAL

Cabugao, Ilocos Sur – Iti pannaki-uman ti Web In-Action iti Mayo 26, 2017, imbatad dagiti Nagannak a kalpasan a maisagana ti pagadalan babaen iti panagtitinnulong dagiti nagannak; ub-ubbing; stakeholders  ken mangisursuro manipud Mayo 15 agingga iti Mayo 20, 2017  ket agsagsagana metten dagiti ubbing iti panagrugi  ti klaseda inton Hunio 5, 2017 maibasar  iti pagalagadan ti  DepED.

Kabayatan ti Enrolment Days  iti Elementary Level  ket manamnama  nga umadu ti bilang ti agad-adal gapu ta  mainayon dagiti bilang ti ag-Kindergarten Pupils ken  nag-transfer nga agad-adal.

Kanaig daytoy, adun ti nagannak/guardian  ti napan naggatang ti kasapulan dagiti ubbin gda  a bag, kuaderno, ballpen, lapis, papel ken krayola  a kasapulanda nga agbasa kasta metten  iti panaggatangda ti baro nga aruaten, uniporme, sapatos ken kanaigna a kawes iti panagadal skbay ti aldaw ti Hunio 5, 2017.

Imbatad pay dagiti dadduma  a nagannak ken agad-adal nga adu met latta ti bilangda a nakagatangen iti school supplies-da sakbay nga umasideg iti panaglukat ti klase. 

Mangnamnama dagiti nagannak a naballigi daytoy a tawen a panagrubuat ti panagbasa dagiti ubbing-da ken sisasaganada a mangawat kadagiti panagbalbaliw iti pagalagadan iti benneg  ti Edukasion nangruna iti implementasion ti K to 12 Basic Education. # (Web Situational Report)

BRIEFING ITA A WET SEASON 2017, NAGATENDAR DAGITI MANNALON

Cabugao, Ilocos Sur – Nagatendar dagiti mangibagi kadagiti mannalon iti tallo nga ili: Sinait; Cabugao ken San Juan iti naisayangkat a Briefing on the Ryan Rice Program nga ipatungpal ti Opisina ti Provincial Agriculture Office nga idauluan ni Provincial Agriculturist Constante B. Botacion, Jr.

Timmarabay dagiti Staff ti DA-LGU Cabugao  nga idauluan ni Municipal Agriculturist Robert S. Savella iti nadakamat a panagtataripnong ket nakipaset  met dagiti DA-LGU Staff iti ili a  Sinait ken San Juan a nagatendar ita a Mayo 26, 2017 iti Cabugao Cultural and Sports Complex, Brgy. Rizal, Cabugao, Ilocos Sur.

Inlawlawag ni Mr. Oscar Tobia iti Provincial Agriculture Office iti panggep daytoy a programa ti Provincial Government pakaseknan iti maited a libre a bin-i ken soil conditioner (Humus) kadagiti mannalon.

Naglektiur dagiti dua a pannakabagi ti kompania iti maited a Humus kadagiti mannalon.

Nagsarita met ni Provincial Agriculturist Constante B. Botacion, Jr. ket impadamagna a maangay ti Ceremonial Distribution ti bin-i idiay Vigan City inton Hunio 8, 2017. # (Web In-Action)

Friday, May 26, 2017

CLEAN AND GREEN KEN SOLID WASTE PROGRAM, AGTULTULOY A MAIPATUNGPAL

Cabugao, Ilocos Sur – Iti pannaki-amad ti Web In-Action idi Mayo 25, 2017,  imbatad ni Mr. Edgar  S. Balangatan, AT, MENRO-Designate, Municipal Clean and Green and Solid Waste Program iti   agtultuloy  a panaglinisda kadagiti pampubliko a pasilidad ti LGU-Cabugao.

Kanaig daytoy, regular a maiwayat iti panagdalus iti pito a Coastal Barangay nga idauluan  dagiti Opisiales ti Barangay-da  iti parte a masakupanda babaen iti itutulong dagiti sektor ken asosasion iti barangayda.

Kabayatanna, maar-aramid latta  ti regular a panaglinis ti agsumbangir ti Kalsada Nasional manipud Barangay Sagayaden agingga iti Barangay Pug-os babaen iti panagtinnulong dagiti LGU Personnel ti Clean and Green ken kameng ti  Maintenance Section ti DPWH-Bantay, Ilocos Sur ken Kyeryong Company.

Nupay kasta, insupusop ni MENRO Balangatan a saan latta met nga agsina a pakaseknan ti Munisipio iti maipapan iti Solid Waste Management ken iti Clean and Green iti intero a Munisipalidad ken uray iti uneg ti Tiendaan ti NISTC Public Market.

Kasta met nga agtultuloy a maipromot koma iti panagdaldalus iti kalsada kadagiti barangay babaen iti itutulong dagiti Opisiales ti Barangay a kabinnulig ti Munisipio a mangitandudo kadagitoy nga agdama a programa ti Munisipio, segun pay ken ni MENRO Balangatan. 

Dagitoy nga aksion ken inisiatiba ket resulta iti napintas a koordinasion dagiti Opisina ken Ahensia a maseknan ken adda iti salinong  ti LGU-Cabugao nga idauluan ni Mayor Josh Edward S. Cobangbang  para iti pannakaitandudo dagiti proyekto/aktibidad  nga agtultuloy a mangpasayaat iti aglawlaw ti Munisipalidad. # (Web Situational Report)

PUBLIC HEARING TI PLANO TI USAR TI DAGA KEN MABUKEL NGA ORDINANSA, NAANGAY

Cabugao, Ilocos Sur – Inangay ti Sangguniang Bayan ti ili ti Cabugao, Ilocos Sur  iti Public Hearing  babaen iti panangilungalong ti Committee on Housing and Land Utilization nga idauluan ni ABC President Thaddeus U. “Teddy”  Soller, Chairman ken tinulongan  ni Municipal Planning & Development Coordinator Florante S. Jara ti LGU-abugao ken dagiti Sangguniang  Bayan Members.

Paset daytoy ti sirmata  ti Gobierno Munisipal  iti liderato ni Mayor Josh Edward  S.  Cobangbang a pannaka-regulate ti pannakausar  dagiti daga tapno sistematiko ken naurnos iti pagplastaran dagiti maaramid a pasdek ken pasilidad iti dayta a barangay.


Kalpasan iti panglukat a Kararag, imbinsabinsa ni SB Secretary Maxfel S. Suboc dagiti mapagsasaritaan ken imbagana dagiti maseknan  nga Opisiales a mangtratar iti Topiko  agraman dagiti pannakabagi dagiti maseknan nga Ahensia a nagatendar a kas iti Housing and Land Use Regulatory Board (HLURB); DENR MPDC, Municipal Engineering ken ti Municipal Assessor’s Office. 

Ni ABC President/SBM (Ex-Officio)  Thaddeus U. Soller, Committee on Housing and Land Utilization Chairman ti nangiwanwan iti mapagsasaritaan.
Umuna a nataming iti pannakailawlawag ti panggep ti public hearing a mangestudiar iti land use plan ken  mabukel a zoning ordinance tapno ma-regulate iti pannakausar dagiti amin a disso ti dagdaga ditoy a Munisipalidad iti las-ud ti sangapulo a Tawen 2017-2026.

Nagtitinnulong nga inlawlawag da MPDC Florante S. Jara; Mr. Edgar S. Balangatan, AT  ken ni ABC President Teddy Soller ti pakabuklan dagiti naiplastar iti sango a mapa iti pakaseknan ti kayatda a maipaawat kadagiti nagatendar. Kinuna ti ABC President a maikkan iti saggaysa a kopia ti mapa dagiti Kapitanes ti Barangay tapno addanton pagibasaranda apaman nga  ipakatda iti maaprobaran a linteg ti Zoning Ordinance.


Nagsarita met iti pannakabagi ti Housing and Land Use Regulatory Board Regional Field Office  1. Impasagepsepna kadagiti nagatendar  iti kaipapanan ti pannakabukel ti Comprehensive Land Use Plan (CLUP) ti pakabuklan ti maysa a lugar iti LGU ken trinatarna dagiti dadduma a pakaseknan iti lokalidad mainaig kadaytoy a programa ti HLURB ken ti LGU-Cabugao.

Naaramid ti Open Forum ket indauluan dagiti Kapitanes ti barangay a nangidatag kadagiti  ac
ktual a problema ken pakaseknanda iti barangay maipapan iti zoning ken pannakausar dagiti daga nga asideg iti pasilidades  ti Gobierno.

Nasungbatan ken nairekord a naan-anay dagitoy a napagsasaritaan a kasapulan iti mabukel a plano ken ordinansa.

Nagatendar met dagiti pannakabagi dagiti maseknan nga Ahensia a kas iti CENRO-DENR  ken ti PPDO.  

Nakikaysa  met da SB Member Danny Q. Gazmen; SBM Josefina S. Vallejo; Miss Teresita Maximina “Mimi”  S. Sison, HRM Officer; Ms. Rosario Charity S. Abara, Municipal Civil Registrar ken ni Municipal Assessor Lilia S.  Flores. #  (Web In-Action)

Wednesday, May 24, 2017

FIELD VISIT AND CONSULTATION TI WORLD BANK KEN DA-PRDP ITI CABUGAO MANGO ENTERPRISE, NAANGAY

Cabugao, Ilocos Sur – Naangay manen  ti   panagtitipon dagiti kameng ti Proponent Group para iti Consultation for IREAP Sub-project and Marketing of Fresh Carabao Mango Enterprise  dagiti kameng ti Cabugao Mango Farmers Multi-purpose Association nga idauluan ni Mrs. Faith Sabio, President iti ili a Cabugao, Ilocos Sur.  

Daytoy a panagtataripnong ket  naaramid tapno makapagsasarita  dagiti kameng ti Proponent Group ken ti Delegasion ti  World Bank Implementation Mission  ita a  Mayo 24, 2017 ditoy Cabugao Cultural and Sports Complex, Brgy. Rizal, Cabugao, Ilocos Sur.


Kalpasan ti Opening Prayer, naiyam-ammo dagiti kameng ti Proponent Group a buklen ti walo a barangay, dagiti Sangaili ken Opisiales ti DA-PRDP;  dagiti Consultant ti World Bank (WB)   ken dagiti amin a nagatendar.

Nangipaay ti Mensahena ni Mayor Josh Edward S. Cobangbang. Kimmablaaw ken nagyaman iti amin a naitaripnong iti Consultation. Kunana a maysa a bendision iti kaadda daytoy a proyekto ditoy ili ti Cabugao tapno matignay iti pannakaidur-as ti industria dagiti prime commodities kas iti mangga babaen iti pannakigamulo dagiti mayoridad a kameng ti kagimongan ti mannalon. Insupusop ti Ama ti Ili nga iti panagballigi daytoy a gannuat babaen iti tulong ti DA ken ti World Bank ket mairaman a mapatuladan ti dadduma nga Asosasion a mangsurot iti progreso a turongen ti Cabugao Mango Farmers Multi-purpose Association.

Kabayatanna, naipresentar manen ti   Business Plan ti Asosasion iti imatang dagiti Consultants ken Opisiales ti DA-PRDP ket inlawlawag ni Mrs. Faith Sabio ti pakabuklan ti produksion ken marketing ti mangga a  kangrunaan a major component ti proyekto ken dadduma pay nga importante nga aspeto daytoy. 


Nakikaysa met da DA Regional Director Narciso A. Edillo, Ph. D.; Provincial Agriculturist Constante B. Botacion, Jr.; SBM Danny Q. Gazmen; ABC President Thaddeus “Teddy” U. Soller; MAFC Chairman Rogelio Barlolong  ken ni Municipal Agriculturist Robert S. Savella iti nadakamat a konsultasion.

Nagatendar pay dagiti kameng ti NPCO, PSO, RPCO, PPMIU-PG ken dagiti pannakabagi ti DA-Central Office.

Iti Open Forum, nagsaludsod ti World Bank Consultant; kasta metten da DA-Regional Director Edillo ken dagiti kakaduada nga Opisiales ti DA ken WB Implementing Mission kadagiti kameng ken Opisiales ti Proponent Group. Naan-anay a nasungbatan dagiti naisaludsod babaen iti panangtarabay nga agsungbat ni Mrs. Faith Sabio, Presidente.


Kabayatanna, impeksa ni Mayor Josh Edward S. Cobangbang ti panagyamanna iti grupo dagiti mango growers ta napintas ti pagkunaan dagiti Consultants iti kalepleppas a panagsaludsodda  kadakuada ken inapresiarna dagiti planoda a mainayon a mangpadur-as pay iti industria ti mangga a kayatda nga inegosio.  

Kalpasan ti Open Forum, naaramid ti panagbisita kadagiti pinuon ti Mango Farm ni Mr. Guarino Savellano iti Brgy. Cuancabal, Cabugao, Ilocos Sur sa nagsubli ti convoy iti Sports Complex para iti luncheon.

Nagpaay nga Emcee ni Mr. Michael Escobar ti PGIS. # (Web In-Action)

Tuesday, May 23, 2017

DENR LEADS LOCAL CELEBRATION OF INT'L DAY FOR BIOLOGICAL DIVERSITY

The unveiling of the highly anticipated museum dedicated to enhancing the appreciation of the country's rich biological diversity and the holding of the first-ever "biodiversity congress" will mark this year's local celebration of the International Day for Biological Diversity (IDBD) on May 22.

The twin events are hosted and organized by the Biodiversity Management Bureau (BMB) of the Department of Environment and Natural Resources (DENR), in partnership with the University of the Philippines, Office of Senator Loren Legarda and the United Nations Development Programme (UNDP).

An attached agency of the DENR, BMB is responsible for the protection and conservation of wildlife species and their habitats.

BMB Director Theresa Mundita Lim expressed hopes the Museum of Philippine Biodiversity located inside the Ninoy Aquino Parks and Wildlife Center (NAPWC) in Quezon City would help awaken the interest of the public on the importance of conserving biodiversity.

The museum, which will have a press launch on May 22, will feature six protected areas representing the different and unique terrestrial and marine ecosystems in the country.

The artworks to be displayed in the museum are interactive and experimental, showcasing the effects of current environmental issues.

"It is with utmost hope that this museum will encourage people to do something for our precious biodiversity," Lim said.

"A museum of hope and pride, the Museum of Philippine Biodiversity aims to touch people's senses to widen their perspectives and deepen their understanding in appreciating the biodiversity's sublime beauty, as well as ignite their will to participate in conserving it," she added.

A permanent installation art created by Luis "Junyee" Yee Jr. will also be unveiled during the event. Titled "Ugnayan," the artwork represents the 21 countries comprising the Asia-Pacific Economic Cooperation or APEC, and their unity and cooperation in pursuit for common goals in various fields.

Also on May 22, the three-day National Biodiversity Congress will open at the Crowne Plaza Hotel in Ortigas Center. The event, which will run from May 22-24, carries the theme, "Upwelling of Lessons, Sustaining Community Benefits in the Conservation of Landscapes and Seascapes."

Lim will be one of the presenters on Day 1 of the biodiversity congress, while DENR Undersecretary Annaliza Rebuelta Teh will deliver the welcome remarks.

Day 1 will also feature the launch of three major BMB programs namely: the Philippine Biodiversity Action Plan 2015-2028; the Philippines’ Voluntary Commitments on SGD Goal #14, Ocean Conference; and the Coastal and Marine Ecosystems Management Program (CMEMP) 2017-2018.

On Day 2, Senator Legarda and Secretary Veronica Victorio of the Climate Change Commission will make presentations on the policy agenda for building community resiliency.

Day 3 will feature discussions about climate justice and biodiversity as a human right with Archbishop Antonio Ledesma of the Climate Change Congress of the Philippines and Dean Tony Laviña of the Ateneo School of Government.

IDBD is celebrated every 22nd of May to promote awareness on the importance of biodiversity to the public. Being a signatory to the Convention on Biological Diversity, the Philippines is one of the 196 nations that observe IDBD annually. # Source – www.denr.gov.ph

SUPLAY TI NATENG ITI MERKADO, OK PAY LAENG

Cabugao, Ilocos Sur – Maibatay iti  pammaliiw dagiti mangtartarabay kadagiti agmulmula ti nateng ket natural a bumassit koma ti suplay ti nateng iti merkado ti ili a Cabugao kadagitoy a bulbulan ngem agsipud ta nagaget dagiti mannalon nga agmula no la ketdi adda iti pagsibogda uray idi katikagna ket kaykayatan pay dagiti agtan-ay a nateng ta mayat ti tiempo nangruna dagiti nabiit a naapit a kas iti utong ken balatong. 

Apaman a naapitda ti immuna a naimulada ket isarunoda manen ti agmula iti namnamaenda a mayataday iti tiempo a klase ti nateng uray kadagiti masigsig-atan a paset ti dagada.

Kabayatanna, adu met ti nakaisapa iti panagmulada  iti  agduduma a nateng ngem nadaras a 
nagatang iti Tiendaan ken iti babaen kadagiti  Vegetable Traders ket naliklikan pay iti kellaat a panagbaba ti presio ta nagbalanse ti masasao a “supply and demand” ket namantener ti presio a nakasubbotan  dagiti mannalon iti inusarda a kapital iti panagmulada.

Kabayatanna,  kaaduan a mangsulnit iti  panagkiddit ti suplay iti merkado ket iti nasaknapen a panagaammo dagiti vegetable market traders iti nadumaduma a lugar a paglaklakuanda.

Dagitoy nga inisiatiba ket resulta ti agtultuloy a panangtarabay ti Gobierno Munisipal kadagiti agmulmula ti nateng nangruna iti pannakatulong dagiti asosasion kadagiti barangay tapno adda latta a mainayon iti pagtaraon a kasapulan ti nasalun-at nga umili. # (Web Situational Report)

MONTH OF THE OCEAN

The month of May was declared as the MOO. Activities to be conducted in observance of the MOO aims to highlight the importance and significance of conservation, protection, and sustainable management of Philippine coastal and marine resources.

The significance of the ocean to human well-being is undeniable, as millions of Filipinos depend on coral reefs and their associated ecosystems, providing food and livelihood to small-scale artisanal and subsistence fishers as well as commercial fishers. The ecosystems provide diverse and valuable functions and services, such as coastal protection, fisheries production, and regulation services as well as recreational, educational and aesthetic values, contributing significantly to the tourism sector as well (Padilla, 2009). 

Coral Reefs, and other ecosystems also improve the adaptive capacity of coastal communities against climate change as it dissipates wave energy and improves coastal stability. Moreover, the climate is being regulated by mangroves, planktons in water, and corals which take in CO2, reducing carbon in the atmosphere.

This year’s theme is “Tayo at ang Karagatan.” # Source – www.dilg.gov.ph

Monday, May 22, 2017

BRIGADA ESKWELA 2017, SCHOOL-BASED A NAILEPPAS

Cabugao, Ilocos Sur – Naaramid  ti Kick Off Activity ti Brigada Eskwela 2017 ditoy Cabugao North Central School  babaen iti naaramid a Motorcade idi Mayo 15, 2017 kadagiti processional route ti ili ken iti National Highway a nangrugi iti Cabugao North Central School ken nagsubli met laeng ditoy dagiti nagpartisipar.

Kanaig daytoy, naiwayat  met ti School-Based Brigada Eskwela 2017 iti 25 pay a pagadalan ti Cabugao DepED District nangrugi kadayta a petsa ken nagleppas iti Mayo 20, 2017.

Nupay kasta, iti kaadu ti masimpa ken madalusan ket saan nga immanay ti innem nga aldaw a naipaulog a panagtarimaanda iti uneg ken ruar ti pagadalan. Segun ken ni Mr. Donato Sajor, District Brigada Coordinator a mabalin latta met dagiti nagannak a di pay nakapan nag-Brigada ti sumarungkar iti eskuela kadagiti aldaw sakbay ti panagseserrek ti klase inton Hunio 5, 2017. Imbatad met ni Mrs. Julia Cayso, Principal, Cuantacla Elementary School, ti naan-anay a panagyaman ti DepED Cabugao kadagiti Stakeholders ken nagannak a timmulong iti 26 a pagadalan-elementaria ti ili iti an-anusda a timmulong iti pannakaisagana dagiti pageskuelaan sakbay ti panaglukat ti klase.

Nakitinnulong met  dagiti Mangisursuro; pannakabagi ti nadumaduma nga Ahensia; Opisiales ti Barangay kadagiti nagannak a nakipaset iti nasao nga aktibidad kadagiti nadakamat a pagadalan.

Ti Brigada Eskwela ket tinawen a maang-angay a programa ti DepED a pakikammayetanna kadagiti maseknan a katinnulongda iti benneg ti Edukasion ket bale makalawas iti pannakaisagana dagiti pageskuelaan para iti panagseserrek ti klase dagiti ubbing. Maluktan ti panagklase dagiti agad-adal inton Hunio 5, 2017. 

Ti Brigada Eskwela ita a Tawen 2017 ket addaan iti Tema: “Isang DepEd, Isang Pamayanan, Isang Bayanihan Para sa Handa at Ligtas na Paaralan.” # (Web In-Action)

BARO A BATCH TI AGBALIN NGA SCHOLAR ITI TAWEN 2017, AGEKSAMENDA

Cabugao, Ilocos Sur – Ageksamen dagiti baro nga Aplikante para iti “libre a panagadal”  a programa ti LGU-Cabugao nga idauluan ni Mayor Josh Edward S. Cobangbang  para iti  School Year 2017-2018 ket maaramid ti Examination a  kas naiyeskediul babaen kadaytoy a pakaammo:  “Examination for Cabugao Education Scholarship Program (CESPRO) is scheduled from May 22 to 26 at 10 am and 2 pm each day. Incoming grade 7 for May 22 and 23; incoming grade 11 for May 24 and 25; and incoming 1st year college on May 26. For inquiries please call 09177995565.

Ti  Cabugao Education Scholarship Program ket  naaprobaran a Gakat   ni SB Member Danilo Q. Gazmen nga indarirag  ti Joint Committee on Education and Appropriation  ti Sangguniang Bayan ken naaprobaran a linteg kabayatan iti Administrasion  ni Mayor Edgardo “Ediboy” S. Cobangbang, Jr.  

Iti aguppat a tawenen a pannakaipatungpal daytoy a linteg (naaprobaran idi Oktubre 14, 2013) ket adun ti natulonganna nga agad-adal ken nabenepisiaran a kaamaan nga umili ti Cabugao.

Daytoy a linteg ket maisagut kadagiti makaruar iti eksamen nga  agtutubo ken ubbing  a naregget ti namnamada a makaileppas iti adal iti High School ken kurso iti Kolehio.

Tarawidwidan ni Mr. Dario Roy Siruno, Information and Tourism  Officer ti LGU-Cabugao iti pannakaigannuat ti nadakamat a panageksamen.  # (Web In-Action)

CONSULTATION ON ICRM ITI DUA A BARANGAY, NAILEPPAS

Cabugao, Ilocos Sur – Naangay ti Barangay Consultation maipapan iti  programa ti Integrated Coastal Resource Management  (ICRM) iti LGU-Cabugao kadagiti mangngalap  iti Barangay Daclapan, Cabugao, Ilocos Sur idi Mayo 18, 2017 iti Covered Court iti nadakamat a barangay.


Nagatendar ti 25 a mangngalap ken tinarabay ida ti Konseho ti Barangay nga idauluan ni Brgy. Captain Charlie Somejo.




Naglektiur da Mr. Kyle Connelly, US Peace Corp Volunteer maipapan iti pakabuklan ti coastal resources (coral reefs ken  seagrass) agraman iti pakaseknan ti Turismo idinto ta tinulongan ni Mr. Nereo S. Daproza, Municipal Fisheries Coordinator a nangtaming  kadagiti dadduma nga aspeto ti ICRM; panangala ti datos a kasapulan kadagiti mabukel a plano ken maisingasing a proyekto para iti agtultuloy a pannakapasayaat ken pannakamantener ti kabaybayan daytoy a coastal barangay iti ili a Cabugao, Ilocos Sur. 



Kanaig daytoy, naaramid met laeng iti maipada a panagtataripnong idiay Barangay Hall ti Barangay Salomague iti Mayo 19, 2017 nga inatendaran dagiti Mangngalap; RIC Members ken  Agtutubo kasta metten a timmarabay dagiti Opisiales ti Barangay nga indauluan ni Brgy. Captain Eliseo R. Serrano.




Naglektiur da Mr. Kyle Connelly, US Peace Corp Volunteer maipapan iti coastal resources (mangrove plants; coral reefs ken  seagrass) agraman iti pakaseknan ti Turismo idinto ta tinulongan ni Mr. Nereo S. Daproza, Municipal Fisheries Coordinator a nangtaming  kadagiti dadduma a pakaseknanda maipapan iti livelihood programs dagiti Asosasion; alternatibo a pagkakitaan dagiti mangngalap ken ti pannakigamulo dagiti mangngalap iti operasion ti Municipal Fishport ditoy a lugar.

Napagsasaritaan pay dagiti mabukel a plano ken maisingasing a proyekto para iti agtultuloy a pannakapasayaat ken pannakamantener ti kabaybayan daytoy a coastal barangay iti ili a Cabugao, Ilocos Sur. 



Nagatendar dagiti Opisiales ti Barangay ken Asosasion ti mangngalap; dagiti agtutubo ken lumugar iti nadakamat a barangay ket naregtada a nakiraman kadagiti naidasar a mapagpapatangan nangruna iti Open Forum.  



Dagitoy nga aksion ken inisiatiba ket paset iti programa ti Munisipio iti pannakaitandudo ti agtultuloy a pagsayaatan dagiti mangngalap ken iti kabaybayan ti ili. # (Web In-Action)

Thursday, May 18, 2017

SOLID WASTE KEN CLEAN AND GREEN PROGRAM, AGKUYKUYOGDA A PAKASEKNAN

Cabugao, Ilocos Sur – Impakaammo ni Mr. Edgar  S. Balangatan, AT, MENRO-Designate iti   agtultuloy  a panaglinisda kadagiti pampubliko a pasilidad iti LGU-Cabugao.

Iti Poblasion ken  Coastal barangay ket regular a maiwaywayat ti panagdalus nga idauluan  dagiti Opisiales ti Barangay iti parte a masakupanda babaen iti itutulong dagiti sektor ken asosasion iti barangayda.

Kabayatanna, maar-aramid met ti regular a panaglinis iti agsumbangir ti Kalsada Nasional manipud Barangay Sagayaden agingga iti Barangay Pug-os babaen iti panagtinnulong dagiti Personnel ti Maintenance Section ti DPWH-Bantay, Ilocos Sur  ken iti Kyeryong Co.

Nupay kasta, insupusop ni MENRO Balangatan a saan nga agsina no di ket agkuykuyog nga asikasuen ti Munisipio ti pakaseknan iti Solid Waste Management ken iti Clean and Green iti intero a Munisipalidad.

Naaramid manen ti mangrove planting idiay Barangay Salapasap ken Barangay Pug-os itay nabiit.

Kabayatanna, innayon ti MENRO nga agtultuloy koma a maaramid ti panagdaldalus iti kalsada kadagiti barangay babaen iti itutulong dagiti Opisiales ti Barangay tapno kabinnuligda  ti Munisipio a mangitandudo kadagitoy nga agdama a programa iti Tawen 2017. 

Dagitoy nga aksion ken inisiatiba ket resulta iti napintas a koordinasion dagiti Opisina ken Ahensia a maseknan nga adda iti salinong  ti LGU-Cabugao nga idauluan ni Mayor Josh Edward S. Cobangbang para iti pannakaitandudo dagiti programa/aktibidad nga agtultuloy a mangpasayaat iti aglawlaw ti Munisipalidad. # (Web Situational Report)

SERBISIO TI SALUN-AT, AGTULTULOY A MAITANDUDO

Cabugao, Ilocos Sur  – Iti pannakiuman ti Web In-Action  ken ni Dr. Mark-Lawrence T. Tirao, M.D. a Destino a mangngagas  iti RHU-Cabugao,    kinunana a nalaing  a sumarungkar dagiti umili iti Rural Health Unit (RHU)-Cabugao isu a  dakkel ti maitulong ti kanayon a pannakapalagip ken pannakaadalda iti panangmantener iti napintas a salun-at babaen kadagiti nagkakammayet a sanga ti Gobierno kas iti DOH, DSWD-MSWDO ken dagiti Asosasion nga adda iti salinong ti Barangay a mangipromot ti programa ti salun-at.

Kabayatanna, agtultuloy ti  ipapan dagiti umili iti RHU ket madagdagus iti pannakaasikasoda ken madadaan a maited dagiti agas a kasapulanda babaen iti agtultuloy a panangsuporta ti GobiernoMunisipal  nga idauluan ni Mayor Josh Edward S. Cobangbang kadagiti health programs ti Munisipio tapno agtultuloy a mamantener ti salun-at dagiti umili ita a Tawen 2017 ken iti masanguanan. 

Dagitisumaganad ti pagdurdur-asan ti serbisio ti salun-at:

1. Medical Consultations – 8:00 am-5:00pm – Monday to Friday (Adults and Children).
2. Immunization – 8:00am to 5:00pm – Monday to Friday.
3. Dental Services – 8:00am to 12:00 Noon – Tuesday and Thursday.
4. Lying-in Services – Daily (inaldaw) 24 Oras, 7 Days/Week.
5. Maar-aramid ti Glucose Testing (Blood Sugar Count) ken Urinalysis iti kada aldaw ti Miyerkules iti lawas ket mabenepisiaran dagiti umili itoy a libre a panagparukod ti asukar ti dara ken pannakaeksamen ti isbo.
6. Maannurot ti uppat nga STEP (1 to 4) nga aramiden ti agpa-check-up tapno sistematiko ken naurnos iti panagpaagasda.
7. Maiwayat pay iti Tuberculosis (TB) DOTS Services kadagiti maseknan a kinapet ken mangtakuat iti kaadda daytoy a sakit iti bagi ti indibidual. 
8. Maiyun-una a mataming  dagiti Senior Citizens; People With Disabilities (PWDs); ken masikog nga inna iti pannakataming ken pannakaited iti kasapulanda nga agas.
9. Maitultuloy ti eskediul iti panag-duty dagiti RHU Personnel iti aldaw ti Sabado ken Domingo a pakaragsakan dagiti umili ta adda latta madadaan a mangtaming kadakuada no adda pakaseknanda iti salun-at.

Dagitoy nga aksion ken inisiatiba ket pagdurdur-asan iti serbisio ti salun-at a kangrunaan a programa ti Gobierno Munisipal nga idauluan ni Mayor Josh Edward S. Cobangbang tapno agtalinaed a nasalun-at dagiti umili a mangsagrap iti agtultuloy a panagprogreso ti ili.  # (Web In-Action)

Wednesday, May 17, 2017

UPDATING TI ID SYSTEM DAGITI MANNALON ITI 2017, MAAR-ARAMID

Cabugao, Ilocos Sur – Agtultuloy a ma-update  ti masterlist  iti Identification Card (ID)   dagiti mannalon kadagiti asosasion a masakupan dagiti 33 a Barangay ti ili a Cabugao, Ilocos Sur babaen iti Opisina ti Municipal Agriculture Office nga idauluan ni Municipal Agriculturist Robert S. Savella.

Daytoy a gannuat ket tapno maikkan ti naan-anay nga identidad dagiti mannalon  tapno maiyintek dagiti pagsayataan a naisangrat para kadakuada ken maammuan met iti dagup dagiti mannalon iti tunggal disso a pagbasaran kadagiti mayataday a plano ken programa para iti pagtatalonan. # (Web In-Action)

DA ROLLS OUT PLAN TO ENCOURAGE BACKYARD CHICKEN RAISING NATIONWIDE

Agriculture Secretary Emmanuel F. Piñol is seeking to revive the traditional raising of chickens in the farms through a Nationwide Backyard Chicken Raising (NBCR) Program.

Piñol announced during a farmers’ forum on Wednesday/May 10 in Tabuk City, Kalinga province that the Department of Agriculture would encourage Filipinos to raise their own food to lessen the country’s dependence on imported food.

“It is ironic that even upland people need to go to the city to buy eggs, when they can raise their own chickens,” Piñol said.

He stressed that a nationwide immunization and vaccination program for chickens would be imposed “before we start distributing native chickens,” saying “this is where the challenges start.”

During the forum, Piñol assured local government officials of the delivery of one unit of multiplier farm in order to increase the number of native pigs in the province.

He encouraged local government officials to plant trichanthera as an alternative ingredient for animal feeds as he promised to provide Kalinga 50 native pigs, five males and 45 females. These will be taken from the DA farm in Tiaong, Quezon, he said.

The trichanthera is cheaper than the commercial feeds and it is organic, Piñol said.

“In my farm, I am using trichanthera and sometimes mix it with husks … and my pigs really grew healthy and heavy,” he added.

Piñol also allotted P50 million for the implementation of the Production Loan Easy Access (PLEA) program in the province.

The Agri chief also visited the 15-kilometer farm-to-market road that connects the town of Bulanao to Amlao. The project, which costs P196 million, is funded under the Philippine Rural Development Project (PRDP) and is expected to be completed this year.

During his trip to Kalinga province, the Department of Agriculture – Cordillera Autonomous Region also awarded P2 million worth of farm assistance to three farmers group from Balawag in Tabuk, Kalinga.

The farm assistance includes 10,000 pieces of Arabica Coffee seedlings worth P150,000 to the Loccong Gardeners Association,50,000 pieces of Robusta Coffee seedlings worth P750,000 to the Tubog Agri-Processors Association, 50,000 pieces of Robusta Coffee and 10,000 bags of organic fertilizers worth a total of P1 million to the Tanudan Savings and Lending Cooperative.

“It is the DA’s vision that you won’t have to import coffee from other cities, and instead we will set-up your own nurseries,” Piñol told the farmer-beneficiaries.

He also encouraged the province’s farmers to consider planting rubber trees, noting the province is conducive to rubber. #  Source -(Kristel Merle, DA-AFID)/www.da.gov.ph

FINAL ORIENTATION TI CABUGAO MANGO PRODUCTION AND MARKETING ENTERPRISE, NAANGAY

Cabugao, Ilocos Sur – Naangay ti   maudi a panagtitipon dagiti kameng ti Proponent Group para iti 2nd Run and Final Orientation of the Proponent Group of Production and Marketing of Fresh Mangoes dagiti kameng ti Cabugao Mango Farmers Multipurpose Association nga idauluan ni Mrs. Faith Sabio, President.  Nagatendar met dagiti pannakabagi ti Provincial Agriculture Office (OPAG-Ilocos Sur);  Provincial Project Monitoring and Implementation Unit (PPMIU); dagiti pannakabagi ti Regional Project Coordination Office (RPCO) ken Project Support Office (PSO) iti San Fernando City, Pampanga.

Dagitoy a panagtataripnong ket tapno maisagana a naimbag  dagiti kameng ti Proponent Group iti ibibisita ti Delegasion ti  World Bank Implementation Mission inton Mayo 22, 2017 ditoy Project Site.

Naangay ti Briefing iti Cabugao Cultural and Sports Complex, Barangay Rizal, Cabugao, Ilocos Sur iti Mayo 17, 2017. Kalpasan ti Opening Prayer ken ti pannakakanta ti National Anthem, naiyam-ammo dagiti kameng ti Proponent Group a buklen ti 7 a barangay  ken dagiti amin a nagatendar babaen ken ni Mrs. Esther P. Aguimbag, AT, DA-LGU Cabugao.

Simmaruno a naipresentar ti  Refined Business Plan ti Asosasion ket inlawlawag ni Mrs. Faith Sabio ti pakabuklan ti produksion ken marketing ti mangga a  kangrunaan a major component ti proyekto ken dadduma pay nga importante nga aspeto.

Naaramid ti Question and Answer babaen kadagiti nagatendar ken dagiti kameng ti PPMIU.

Simmaruno a naangay ti Open Forum ket nakipartisipar dagiti kameng ti NPCO, PSO, RPCO, PPMIU ken ti PG.

Naisaganad ti Overview of the PSO Deputy Director babaen ken ni DPD Elma Mananes, PSO Deputy Project Director.

Nagpaay nga Emcee ni Ms. Remedios Rabanal, PPMIU Head.

Kabayatanna, maar-aramid ti Mango Packaging Center Building nga aggatad ti 4.8 Million iti Barangay Baclig, Cabugao, Ilocos Sur. # (Web In-Action)

MANGROVE PLANTING, MAAR-ARAMID ITI DUA A COASTAL BARANGAY

Cabugao, Ilocos Sur – Maangay ti panagmula ti Mangrove Seedlings iti saan pay a namulaan a paset ti katangriban iti Barangay Salapasap ken  Brgy. Pug-os, Cabugao, Ilocos Sur babaen iti panangilunsad dagiti kameng ti Fishermen Association ken iti Integrated Coastal Resources Management (ICRM) iti Fishery Banner ti DA-LGU Cabugao babaen iti panangimaton da Municipal Fisheries Coordinator Nereo S. Daproza ken ni Mr. Kyle Connelly, Peace Corp Volunteer a destino ditoy Cabugao kadagiti nadakamat a barangay a kas pannakikaysada iti pannakapaberde kadagiti kakadilianan a paset ti Clean and Green Program-Coastal Area  ti Munisipio nga idauluan ni Mayor Josh Edward S. Cobangbang. 

Maaramid ti Mangrove Planting iti Mayo 15 ken 16, 2017 a pakaimulaan iti bilang ti 30,000 a mangrove seedlings, segun ken ti Municipal Fisheries Coordinator a nangtarabay kadagiti mangrove planters. 

Kabayatanna, innayon ni Mr. Daproza a mayataday ti panawen iti panagmulada gapu iti kapintas ti ugot ti baybay ken manamnama nga adu manen ti  mangrove seedlings a mainayon a maimula ita a Tawen 2017  iti shorelines a mabatogan dagiti coastal barangay.

Kabayatanna, regular a maar-aramid ti coastal clean-up babaen kadagiti multi-sectoral associations  iti  uneg dagiti nadakamat a barangay tapno mabisita, madalusan ken masugotan dagitoy a namulaan ti mangrove a parte ti kabaybayan, segun ken ni MENRO Edgar S. Balangatan, AT ti LGU-Cabugao.

Dagitoy nga aksion ken inisiatiba ket resulta ti nakammayet a panagtutunos ti amin a sektor a mangpaberde ti katangriban babaen iti panangilungalong ti Gobierno Munisipal nga idauluan ni Mayor Josh Edward S. Cobangbang. # (Web In-Action)

SGLG 2017 KICKS OFF IN REGION 1!

The Department of the Interior and local Government Region 1 (DILG R1) kicked off the implementation of the Seal of Good Local Governance (SGLG) this year with a regional orientation at the Oasis Country Resort Hotel and Restaurant, here.

The activity was aimed at orienting and familiarizing the DILG Provincial Offices and Regional Assessment Teams (RAT) on the SGLG guidelines, particularly the assessment areas and criteria, forms and checklist, and implementation process. 

Each RAT, composed of a DILG Officer and local civil society organization (CSO) representative, together with a documenter, is assigned with more or less 15 LGUs to assess on a cross-posting scheme.

Following the regional activity, the provincial offices conducted provincial orientations to their respective City/ Municipal Local Government Operations Officers (C/MLGOOs) on May 8,9,10, and 11, 2017 for La Union, Pangasinan, Ilocos Sur, and Ilocos Norte, respectively.

All the 129 Local Government units (LGUs) in the region – 4 provinces, 9 cities and 116 municipalities -- shall be assessed using the scaled-up assessment criteria of “4+1”. 

From being one of the essential areas last year, Peace and Order was added as one of the four core areas along with Financial Administration, Social Protection, and Disaster Preparedness. The essential areas, on the other hand, include Business-Friendliness and Competitiveness, Environmental Management, and Tourism, Culture and Arts.

An LGU has to pass all four core areas and at least one essential area to qualify for the Seal. Awardees shall be conferred with a 2017 SGLG marker and a cash incentive the Performance Challenge Fund (PCF) to finance their local development initiatives. A special distinction shall likewise be given to LGUs which consistently passed all assessment areas for the three periods (2015, 2016 and 2017).

The data gathering, validation and certification phases of the 2017 SGLG shall be from May 15 to June 16, 2017 the conferment of the Seal shall be in October in line with the Local Government Code anniversary celebration. # Source – www.dilg.gov.ph

BRIGADA ESKWELA 2017, NAIGANNUAT

Cabugao, Ilocos Sur –  Nairubuat ti “Brigada Eskwela”  2017 kadagiti  pageskuelaan  ti ili a Cabugao nangrugi idi Mayo 15, 2017 a mayalubog iti National Schools Maintenance Week  a masasao a Brigada Eskwela a nayeskediul iti  May 15, 2017 agingga iti Mayo 20, 2017 iti intero a pagilian.

Naluktan ti Kick Off Activity ti Brigada Eskwela 2017 ditoy Cabugao babaen iti naaramid a Motorcade idi Mayo 15, 2017 kadagiti processional route ti ili ken iti National Highway a nangrugi iti Cabugao North Central School ken  nagsubli met laeng ditoy dagiti nagpartisipar. Iti nasao a motorcade, inyuna ti Mobile Patrol Car ti PNP-Cabugao  sa sinaruno dagiti motorista  iti Cabugao Elite Riders Club, Inc., NGOs  kasta metten dagiti Opisiales ti PTA  ken Mangisursuro iti pageskuelaan.

Iti pannaki-amad ti Web In-Action kadagiti nagpartisipar iti Brigada Eskwela  kadagiti pagadalan iti Poblasion  iti Mayo 15, 2017, naibagada a tunggal kuarto ti pageskuelaan ket agdadanggay dagiti mangisursuro ken nagannak nga agurnos ken agdalus agraman iti ruar ti eskuela.

Innayon pay ti dadduma  a maar-aramid ita ti pannakapinta  dagiti alad, tugaw, ken dadduma pay a pasilidad ti pagadalan partikular iti pannakaital-o ti  hygiene and sanitasion dagiti ubbing.

Dagitoy a gannuat ket paset ti pannakaisagana ti pageskuelaan iti panagseserrek ti klase dagiti ubbing inton  Hunio 2017.  

Kabayatanna, napintek ti  panagtitimpuyog dagiti Stakeholders: nagannak, mangisursuro, Barangay Officials   ken Gobierno Lokal iti agtultuloy a pannakapasayaat ti pageskuelaanda.

Makipaspaset met ti Konseho  ti Barangay agraman dagiti lumugar   nga agdalus iti  aglawlaw ti pagadalan, agpukan iti sanga ti kayo, agpinta iti classroom ken kanaigna a trabaho iti pannakaisagana ti eskuela.

Segun iti dadaulo ti pageskuelaan nga agyamanda iti  agtultuloy a panagkikinnammayet dagiti  Stakeholders, dagiti mangisursuro, PTA Officers, dagiti Opisiales ti Barangay ken iti agtultuloy a suporta ti LGU-Cabugao  iti pannakapasayaat dagiti pageskuelaan iti Munisipalidad.

Ti Brigada Eskwela ket tinawen a programa ti DepED a pakikammayetan dagiti maseknan a katinnulongda iti Multi-sektoral a benneg tapno maisagana ti pageskuelaan para iti panagseserrek ti klase dagiti ubbing inton Hunio 2017.

Kabayatanna, naaramid ti Kick Off Activity ti Brigada Eskwela 2017 iti Division of Ilocos Sur idi Mayo 12, 2017. 

Ti Caravan  ket nangrugi iti Tagudin National High School  ket nagpatingga iti Sinait National High School, Sinait, Ilocos Sur  ket naangay ditoy ti kick-off program  ti nasao nga aktibidad.

Nagatendar ditoy dagiti Opisiales ti DepED Ilocos Sur nga indauluan ni Mr. Jorge M. Reinante,  Schools Division Superintendent; the initiator of Brigada Eskwela- Mrs. Soledad Dumbrique, Chief Education Supervisor, SGOD; from Regional Office-Dr. Cecilia P. Rosido, Chief of Policy, Planning and Research Division (PPRD); District Supervisors; School Heads; Teachers; LGU Officials; Federated PTA Officers ken amin a  Secondary Students ti  Sinait NHS. # (Web In-Action)

Monday, May 15, 2017

FARMERS FIELD SCHOOL (FFS)-CORN, NAGTURPOS DAGITI MANNALON ITI BARANGAY SAGAYADEN

Cabugao, Ilocos Sur – Nadanon met laengen  ti panagleppas ti panagadal iti 23 a mannalon iti  Farmers Field School on Sustainable  Corn Production iti Barangay Sagayaden  babaen iti panagbinnulig ti Department of Agriculture, Regional Field Office (DA-RFO 1), San Fernando City, La Union; OPAG-PG Ilocos Sur,  Agriculture Training Institute (DA-ATI)-RTC 1 
ken iti Local Government Unit (LGU)-Cabugao, Ilocos Sur iti panangidaulo ni Mayor Josh Edward S. Cobangbang.

Naaramid ti FSS Graduation iti Free Farmers Sagayaden MPCI Building, Brgy. Sagayaden Norte, Cabugao, Ilocos Sur idi Mayo 12, 2017. 

Kalpasan ti Opening Prayer ni Ms. Milarose Solar, FFS Participant ket  naisaruno ti pannakakanta ti National  Anthem ken iti Cabugao Hymn. 

Opening Remarks ti inakem ni Barangay Captain Virgilio S. Piros. Kimmablaaw ken nagyaman ti Kapitan ta saan a paudi dagiti kabarangayanna a maisagsagut kadagitoy a pagimbagan nga ilunglungalong ti LGU-Cabugao kadagiti Ahensia ti DA, OPAG-Ilocos Sur ken iti Agriculture Training Institute (DA-ATI).

Nasangaili iti Graduation Ceremonies  da Mr. John Leo B. Bungubung, Corn Technical Staff, DA-RFO 1; Ms. Myrna Ligaya A. Enriquez, Corn Technical Staff/SRS II/DA-INREC ken ni Ms. Teresa Palos, Report Officer/Corn Program OPAG-ILocos Sur. 

Nangitedda  iti Mensaheda  dagitoy a nasangaili ket kimmablaaw ken nagyamanda ta agtultuloy a naballigi dagiti igannuatda ditoy nga ili agsipud ta adda latta ti LGU-Cabugao a tumarabay kadakuada.

Inakem ni Municipal Agriculturist Robert S. Savella ti Acknowledgement of Guests, Visitors and Participants ti FFS-Corn.

Presentation of PTD Results met ti binagi ni Mr. Rogelio P. Alejandro, FFS Participant.

Nangted ti Impression da Benedicto B. Satumba; Eddie P. Valoria; Margarita S. Tobias; ken ni Jeannie B. Sagnep.

Kalpasan a naipresentar dagiti FFS Officers, nagsapata dagiti  Opisiales ti mannalon ken naipabuya ti panagkanta dagiti FSS Participants iti Folk Media. Naipresentar dagiti FFS Graduates ken nakompirmar dagiti nagturpos.

Kalpasan ti Acceptance of Graduates, naibunong dagiti Certificates-da  babaen kadagiti sangaili ti DA-RF0 1 a binayabay dagiti DA-LGU Staff. 

Nangted ti Closing Remarks ni Mr. Nathaniel B. Galamgam, AT. Pinagyamananna iti amin nga adda pasetna iti panagballigi daytoy a panagadal dagiti mannalon.

Nagpaay nga Emcee da Sherwin A. Argel ken ni Ms. Jane G. Sayaboc, agpada nga FFS Participant. # (Web In-Action)