Thursday, April 27, 2017

BLESSING & CUTTING OF RIBBON TI POLICE SUBSTATION 1, NAANGAY

Cabugao, Ilocos Sur – Naangay ti pannakabendision ken cutting of ribbon iti nabangon  nga PNP Substation 1 a masarakan iti masakupan ti Cabugao Central Park (CCP) iti abay ti National Highway, Barangay Bonifacio, Cabugao, Ilocos Sur iti Abril 27, 2017.

Indauluan ni Rev. Fr. Jeric Jaramillo iti panagkararag ken panangbendisionna iti amin a parte ti kabarbaro a pasdek a binayabay dagiti Opisiales ti Asosasion/Organisasion ti Balikbayans kasta metten dagiti Opisiales ti ili nga idauluan  ni  Mayor Josh Edward S. Cobangbang.

CLICK HERE TO VIEW MORE PHOTOS
Nadutokan ni CANCA President Dr. George Solanzo ken  tinulongan da Mayor Josh Edward; SBM Vicky S. Serna ken ni COP Police Senior Inspector Ramil A. Llarenas iti  pannakagetteng ti ribbon iti pannakainagorar ti PNP Substation 1. 

Kumablaaw ni Mayor Josh Edward S. Cobangbang ken nagyaman kadagiti nangited kadaytoy a proyekto. Dinakamatna ti pateg daytoy a naited a pagimbagan kadagiti umili babaen kadagiti kakailian manipud iti ballasiw-taaw ket sapay koma ta ammo dagiti umili a bigbigen iti pateg daytoy a  proyekto  a maiserbi kadakuada.

Pagyamanan met ni  PSI Ramil A. Llarenas, Police Chief ti PNP-Cabugao kadagiti amin a nakipaset  iti nasao a taripnong ken kasta metten  dagiti nakipaggamulo iti naballigi a pannakaileppas ti nadakamat a proyekto.

Iti Inauguration Ceremony, nagatendar dagiti kameng ti Konseho Munisipal  nga isuda SBM Vicky S. Serna; SBM  Dr. Jemaima S. Tan-Yee; SBM Jayhan Alcid-Tan; SBM Josefina S. Vallejo ken kasta metten ti sibubukel a puersa ti PNP-Cabugao nga idauluan ni  Chief of Police PSI Ramil Aquino  Llarenas; MPDC Florante Jara ken ni  Mr. Edgar S. Balangatan, AT agraman dagiti Balikbayans ken LGU Personnel a nagatendar ken nangimatang iti nadakamat a seremonia.  # (Web In-Action)

CLICK HERE TO VIEW MORE PHOTOS

GALA NIGHT TI GLOBAL GRAND REUNION 2017, NARAMBAK KEN NAKALLALAGIP

Cabugao, Ilocos Sur – Naaramid ti Gala Night iti 8th  Global Grand Reunion 2017  a  naangay iti Cabugao, Ilocos Sur nangrugi idi Abril 25,  2017 agingga iti Abril 27, 2017.

Napasamak  ti nadakamat a panagtitipon dagiti Balikbayans a Cabugaoenians iti intero a lubong agraman dagiti nakipartisipar   iti kabarbaro a pasdek ti Cabugao Evacuation Center,  Brgy. Bonifacio, Cabugao, Ilocos Sur iti karabiyan idi Abril 26, 2017.

CLICK HERE TO VIEW MORE PHOTOS
Nasapa a dimteng dagiti nakaaruat iti Pormal a  Balikbayans, Participants; Opisiales ti LGU-Cabugao ken Barangay; Department Heads  ti LGU-Cabugao; ken  dagiti kameng ti Usher and Usherettes ken mangtarawidwid kadagiti Register Table.

Sakbay ti pormal a pannakairugi ti programa ket naibaet  dagiti indibidual ken grupo a panagkanta (Medley Songs); panagsala (Cha-cha ken dadduma pay a klasena a sala)  dagiti Balikbayans a nakipartisipar.

Kabayatanna, naurnos ti panagiwardas dagiti agay-aywan ti linak ken talna: Kapolisan, BFP ken dagiti Barangay Tanod/BPATS  a nangurnos ti trapiko iti sango ken sumrekan a Gate iti Cabugao South Central School Compound ken iti National Highway. Naregget dagiti nadesignaran a kameng ti Pamilia LGU-Cabugao  a nagasikaso iti Registration Tables ken kangrunaan iti nabara a panangsabatda kadagiti agsangpet a Sangaili, Participants  ken Balikbayans. Tunggal maysa ket annongenna iti naikumit a pagrebbenganna ket naurnos iti pannakaipatungpal dagiti maaramid sakbay a nairugi ti programa.

CLICK HERE TO VIEW MORE PHOTOS
Iti uneg ti pasdek, indauluan dagiti Presidente iti nadumaduma nga Asosasion/Organisasion  ken nag-Chairmen iti napalabas a Global Reunion dagiti Balikbayans a nagsasango kadagiti naiplastar ken naarkosan a lamisaan.

Iti panglukat a programa, nangipaay ti Opening Prayer ni SBM Vicky S. Serna.  Kalpasan a nakanta ti Philippine National Anthem ken Cabugao Hymn, naiyam-ammo dagiti Opisiales ken mangibagbagi iti tunggal Asosasion/Organisasion.

Nangipaay ti Mensahe ni Mayor Josh Edward S. Cobangbang. Kimmablaaw ken nagyaman iti amin a naitaripnong kadayta a gundaway. Imbilangna a  maysa a nakapatpateg a pasamak daytoy a maaramid a Global Grand Reunion ditoy ili a Cabugao nupay daytoy ti maikadua a daras a pannakaangayna ditoy nga ili.

Pinadayawan ni Mayor Josh Edward daytoy a naindaklan a panagtitipon dagiti Cabugaoenians ket dinayawna ti napintas a pannakaigannuat ti Global Reunion kasta metten  iti agtultuloy a  panangipateg dagiti Balikbayans iti ilida.

Insupusop ni Mayor Josh Edward iti mensahena a babaen iti  panagkakammayet dagiti Balikbayans a dumanggay kadagiti maipatakder a proyekto ti Gobierno Lokal ket agserbi para iti pagimbagan dagiti umili.

CLICK HERE TO VIEW MORE PHOTOS
Kimmablaaw ken nagyaman ti Ama ti Ili iti adu a pammati dagiti Balikbayans kadagiti Opisiales ken kailianda ditoy Cabugao    tapno mairusat  ditoy Cabugao daytoy a taripnong. Pinadayawanna dagiti kameng ken dagiti Opisiales ti ili a Cabugao a naitallaong ken dagiti Opisiales/Kameng ti Asosasion ti  CANCA, COSCA, CSDAH, Cabugaoenians Association of Hongkong and the Philippines

Naaramid ti Dinner ket nasagrap dagiti naitallaong  dagiti taraon kabayatan iti panangdanggay dagiti agaasmang nga agsala  kadagiti sonata/tokar  nga ipatayab  ti Sound System a namagpikapik iti gundaway dagiti Balikbayans ken dadduma a nagatendar. Naaramid pay dagiti Indibidual ken Grupo a panagkanta kadagiti kabaruanan ken old time favorite dagiti singers.

Kabayatanna, nai-Award dagiti Certificate of Recognition kadagiti Opisiales ti Asosasion/Organisasion dagiti Balikbayans a nagidonar iti proyekto ditoy ili ti Cabugao iti kallabes kas iti pannakabangon ti pasdek ti Lying-in (Birthing) Clinic; Dental Clinic; E-Library ken dadduma pay a pasilidad a pakabenepisiaran dagiti  umili. Indauluan da Mayor Josh Edward S. Cobangbang ken ni Vice Mayor DJ Savellano agraman dagiti kameng ti Sangguniang Bayan a nagatendar a nagyawat ti pammadayaw kadagiti Asosasion iti ballasiw-taaw.

Napagkaykaysaan dagiti Balikbayans/Nagpartisipar   a maangay ti sumaruno a Cabugao Global Grand Reunion  idiay Estado ti California, USA  inton Tawen 2020. 

CLICK HERE TO VIEW MORE PHOTOS
Dagiti   dadduma a nagatendar ket dagiti Opisiales/Kameng ti Cabugao Association of Hongkong;  Cabugao Sons and Daughters Association of Hawaii (CSDAH); Cabugao Association of Northern California (CANCA); Cabugao Organization of Southern California (COSCA), ken ti Cabugaoenians Association of Hongkong and the Philippines. 

Nakikaysa iti daytoy a taripnong da Pasado Mayor Edgardo “Ediboy” S. Cobangbang, Jr.; Mrs. Jerlie Seguban-Cobangbang; Former Mayor Andrea Soller-Tan; Mr. Jeremy S. Seguban; Mrs. Juliet A. Seguban; ABC President Teddy U. Soller  ken ni MSWD Officer Mrs. Lydia S. Gazmen. 

Naisaruno a nangparag-o kadagiti nagbuya ken Balikbayans  iti panagkanta/panagpabuya  ni Filipino Singer Sitti Navarro ken Rico J. Puno. # (Web In-Action)

CLICK HERE TO VIEW MORE PHOTOS

Wednesday, April 26, 2017

NARAGSAK TI WELCOME PARTY ITI GLOBAL GRAND REUNION 2017

Cabugao, Ilocos Sur – Aglapusanan ti ragsak iti  Cabugao Central Park Auditorium iti pannakarambak  ti Welcome Party iti  karabiyan ti Abril 25, 2017 a nagpartisiparan dagiti Municipal Officials nga idauluan ni Mayor Josh Edward S. Cobangbang; Balikbayan a naggapu iti Hawaii ken Mainland, USA; European ken Asean Countries; Pamilia-LGU, Kakapitanes ti Barangay ken Opisiales ti nadumaduma nga Asosasion ken  umili ti Cabugao; Bisita ken Balikbayans.

CLICK HERE TO VIEW MORE PHOTOS
Agkakapintas dagiti  naipatayab a sonata iti regta  dagiti sumasala a mangkumpas kadagiti agduduma a piesa a maipatayab iti Banda a nangpadaeg iti salonan.

Agduduma dagiti sonata   ket mainaganan dagiti mangidaulo kadagitoy nga Opisial/Grupo  wenno Balikbayan a napan nagsala.

Dagiti Asosasion a nakaikappengan dagiti Balikbayans/Cabugenians  a nagatendar ket dagiti sumaganad: Cabugao Association of Northern/South  California; Cabugao Sons & Daughters Association of Hawaii ken Cabugao Association Hongkong Chapter; Cabugao Association ti Los Angeles, California ken UK (London).

Simmaruno ti pannakaited ti pammadayaw ken premio dagiti nangabak a  Float  iti napasamak a Grand Float  Parade idi karabiyan ti  Abril 24, 2017.  Dagiti nangabak a Cluster ken barangay ket dagiti sumaganad:

CLICK HERE TO VIEW MORE PHOTOS
1st Place (P200,000) Cluster 2 -  Salapasap; Bungro; Pug-os; Reppa-ac ken Nagsantaan; 2nd Place (P150,000) Cluster Cluster 5 - Cluster 5 – Arnap; Aragan; Carusipan; Cacadiran; Cuantacla ken Nagsincaoan; 3rd Place  (P100,000) Cluster  4 - Quezon; Catucdaan; Alina-ay; Bato; Maradodon; Cael-layan.
Consolation Prize (P60,000 each) – Cluster 1, Cluster 3, ken Cluster 6.

Mismo a dagiti Municipal Officials nga idauluan da Mayor Josh Edward S. Cobangbang ken ni  Vice Mayor DJ Savellano agraman dagiti kameng ti Sangguniang Bayan ti  nangiyawat kadagiti premio kadagiti nangabak.

Nangipaay ti Mensahena ni Mayor Josh Edward. Kimmablaaw ken nagyaman iti amin a nakipaset kadaytoy a Welcome Party iti Cabugao Global Grand Reunion 2017. Bininsana dagiti naggapuan a lugar dagiti Balikbayans kas iti Hawaii; Mainland USA; Europe ken Asia ket impeksana iti nalaus a ragsak dagiti dinanonda ken simmarabo a kailianda ditoy Cabugao tapno mapabaro ti linnangen ken sinninged a mangitunda iti pagprogresuan ti ili a Cabugao a pakaisagutan dagiti umili.

Nakitaripnong met dagiti natatakneng a sangaili a naggapu iti nadumaduma a benneg ti kagimongan ken dadduma pay a bisita a nakidanggay kadagiti  Barangay Officials,  Balikbayans ken Pamilia-LGU  a nakipagrambak iti dayta a rabii.  

Kabayatanna, agtultuloy ti rinabii a kaadu ti napan nagbuya ta adda Artista a naikkan ti gundawayna a  nagpabuya nga isuda Singer Morrisette Amon ken ni Singer Daryl Ong. 

CLICK HERE TO VIEW MORE PHOTOS
Kabayatanna, naiballaet iti pannakaipakaammo dagiti Esponsor iti panagpiesta ti ili ti Cabugao ita a 2017 nga isuda Governor  Ryan Luis V. Singson; Former Congressman Ronald V. Singson; CJ Philippines; 5 J Agriventures; SPM Mika Mendoza; SPM Ronnie Rapanut; MAGSCON;  Mayor Glen Guzman ti Sinait; Dr. Elnora Recel; Bonicab Builders; Pira  Hospital; EM Palomares Construction; Engr. Ronald Pano Contruction ken dadduma pay. 

Nagatendar iti Welcome Party da Pasado Mayor Edgardo “Ediboy’ S. Cobangbang, Jr.; Mrs. Jerlie Seguban-Cobangbang; ABC Pres. Teddy Soller ken ni Former Mayor Andrea “Dely” Soller-Tan. # (Web In-Action)

CLICK HERE TO VIEW MORE PHOTOS

Tuesday, April 25, 2017

NIGHT FLOAT PARADE, NAPINTAS A NABUYA!

Cabugao, Ilocos Sur - Naaramid ti Night Float Parade iti Ragsak Cabugao Festival 2017  idi karabiyan ti Abril 24, 2017 (maikapat  nga rabii ti Piesta)  a nagpartisiparan dagiti Opisiales  ti  Local Government Unit (LGU)-Cabugao, Pamilia-LGU ken Opisiales ti 33 a barangay agraman dagiti kabarangayanda.

Immuna ti Parada   ti Police Mobile Patrol sa iti Float nga ayan ti  Imahen ni San Markos Ebanghelista a Patron ti ili a binayabay dagiti kameng ti Parish Pastoral Council iti Simbaan Romano Katolika.

CLICK HERE TO VIEW MORE PHOTOS
Simmaruno dagiti Municipal Officials nga idauluan ni   Mayor Josh Edward  S. Cobangbang agraman dagiti Department/Section  Heads/dagiti Personnel ti LGU-Cabugao.

Nangrugi ti Parada iti Shell nga asideg ti NISTC Public Market, Cabugao, Ilocos Sur  ken nagpatingga idiay Cabugao Central Park (CCP) Auditorium, Barangay Bonifacio, Cabugao, Ilocos Sur.

Buklen ti Parada iti innem a Cluster Barangay ket agkakangayed dagiti Float a sinaruno dagiti nagparada a nakabuklan iti grupo ti 33 a barangay ti ili nga imatonan dagiti Kapitanes-da.

Kalpasan ti Parada, naaramid ti panagpabuya dagiti Players ti University of Luzon Drum & Bugle Corps iti Compound ti CCP ket reprep ti nagbuya.

Naisaganad ti Electrofire Dance iti entablado  ken iti Firedance iti ruar ti Auditorium  ket nanaynayonan manen iti adu a nagsangpet nga umili nga  agbuya iti CCP.

Kangrunaan a namagpikapik iti kanito ket iti napaut a Fireworks a a nasindian iti CCP Compound  ken  nagsaknap iti tangatang.

Naisaruno  ti Konsierto ti banda a nangparag-o kadagiti nagbuya ken iti panagkanta/panagpabuya  ni Filipino Singer Darren Espanto agraman dagiti kakaduana ket  naray-aw unay dagiti amin a nagbuya iti CCP Compound. # (Web In-Action)

MR. & MISS TEEN CABUGAO 2017 PAGEANT NIGHT, NAKAAD-ADU TI NAGBUYA!

Cabugao. Ilocos Sur -  Naaramid ti Pageant Night ti  Mr. & Miss Teen Cabugao 2017 idi rabii ti Abril 23, 2017 a naangay iti Cabugao Central Park (CCP)  Auditorium  a no sadino a ditoy ket dandani  awan iti paglugaran iti kaadu  ti  umili ken sangaili a nangokupar  iti espasio ti CCP ken  maganatanda unay a mangammo  dagiti mangabak a iti daytoy a pakontes.

Daytoy a salip ket  dati a maar-aramid iti tunggal panagpiesta ti ili ken naipangruna ita a pakontes ti LGU-Cabugao nga idauluan ni Mayor Josh Edward  S. Cobangbang  a mangpangayed iti rabii sakbay iti kaaldawan ti Panagpiesta ti ili (Abril 25). 

CLICK HERE TO VIEW MORE PHOTOS
Nasangaili iti daytoy a gundaway ni Governor Ryan Luis V. Singson ti Probinsia ti Ilocos Sur. Iti Mensahena, kimmablaaw ken nagyaman ti Ama ti Probinsia ta makitana ti kinatunos ken kinaadu ti agbuya iti daytoy nga event ket pinadayawanna ti napintas a panagselebrar nga idauluan da  Mayor Josh Edward S. Cobangbang ken ni Vice Mayor DJ Savellano agraman dagiti Konsehales ti Ili a naitallaong iti nabara a panangrambak dagiti umili iti panagpiesta ti ili a Cabugao.

Inapresiar ti Gobernador dagiti Organizers daytoy a Pageantry ket kunana a kastoy met ti ar-aramidenda idiay Probinsial a benneg. Inawisna iti imatang ti sapasap iti pannakipasetda iti masungad a Kannawidan Festival iti Tawen 2018 ta ditoyto pay a maselebraran iti maika-200 a panagwaywayas ti Probinsia ti Ilocos Sur.

Sakbayna, naiyam-ammo dagiti nangbukel iti Hurado iti pasalip  kadayta a rabii babaen kadagiti Hosts nga  idauluan ni Mrs. Odette V. Somera; Ms. Marinel Valdez ken Mr. Jayrald Sinampaga. Karaman kadagiti innem a Personalidad a nag-Hurado ni San Juan (Ilocos Sur)  Vice Mayor Elaine Sarmiento.

CLICK HERE TO VIEW MORE PHOTOS

Naipakaammo pay dagiti pagrukodan iti panagpilida kadagiti mangabak a kandidato/kandidata a kangrunaan a nagintek iti Beauty and Face; Poise and Projection; Intelligence; Summer Wear ken Casual Wear.

Kalpasanna, indibidual a nagpresentar/inyam-ammoda  ti bagida  dagiti kandidata iti entablado. Naiparang  ti panagsuotda iti  Casual Wear ken nahusgaanda pay iti suotda sakbayna  iti Summer Wear ken Formal Wear. Naaramid ti casual interview kadagiti Kandidato/Kandidata.

Iti Awarding, kalpasan ti tunggal presentasion ket naipakaammo ti napili/nangabak a kandidato/kandidata. Naikkanda ti pammadayaw manipud iti Minor Awards sa naudi  iti Major Awards a kategoria. Ditoy met a napan nagisaad dagiti natudingan a Personalidad/Opisiales  iti pannakaikabil ti banda ken dadduma pay a maited a maisagut kadagiti nagballigi a kandidato/kandidata.

Sakbayna, nagdalan daytoy a pasalip iti naiget a panagpili  kadagiti nalilibnos a dayag/natataer a babbaro a naggapu kadagiti 33 a Barangay iti Munisipalidad ti Cabugao.

Daytoy a pasalip ket ang-angayen   ti Munisipalidad ti Cabugao babaen iti panangesponsor dagiti Opisiales ti Gobierno Lokal, naayat nga indibidual  ken dagiti establisimiento ti negosio.

Kabayatanna, nangabak ni Milech Keiffer Segui ti Barangay Salapasap, Cabugao, Ilocos Sur a Mr. Cabugao Teen 2017 ken ni Mary Faith Angel Sonido a Miss Cabugao Teen 2017 iti Barangay Dardarat, Cabugao, Ilocos Sur manipud kadagiti Finalists iti nasao a Beauty Contest Competition.

Dadduma a nangabak ket dagiti sumaganad:

Denine Giron - 1st Runner Up, Barangay Rizal ken ni  Kier Anthony Rafanan,
1st Runner Up, Barangay Baclig.

Trisha Mae Pablico, 2nd Runner Up, Barangay Carusipan ken ni
Dhavear Serna, 2nd Runner Up, Barangay Namruangan.

Iti sabali a bangir, naray-aw dagiti nakaad-adu a nagbuya ta adda manen bisita iti Piesta  nga Artista  nga isu ni Filipino Actor Marco Gumabao a nangkanta kadagiti nagbuya.  # (Web In-Action)