Cabugao, Ilocos Sur – Napasnek latta a maat-atendaran dagiti kalkalpas a panagsanay/aktibidad a nakikaysaan ni Miss Teresita Maximina “Mimie” S. Sison kas parte iti pagrebbenganna ken trabahona a Human Resources Management Officer (HRMO)/PESO ken MDO Designate iti LGU-Cabugao, Ilocos Sur.
Kanaig daytoy ket nakagun-od ti pammigbig nga impaay dagiti Opisiales ti Ili nga idauluan ni Mayor Josh Edward S. Cobangbang ken iti Sangguniang Bayan ti ili a Cabugao, Ilocos Sur babaen iti Resolusion ken Komendasion a naited ken ni Miss Sison kalpasan iti Flag Ceremony itay nabiit iti imatang ti Pamilia LGU-Cabugao.
Agdama a PESO Ilocos Sur President ni Miss Teresita Maximina “Mimie” Sison ket ni met Ms. Charity A. Ubilas ti PESO ISFO Focal iti kaduana kasta metten dagiti PESO Managers iti Probinsia ti Ilocos Sur.
Ni pay Miss Sison ti agdama a
Migrant Desk Officer ti LGU-Cabugao iti OFWs-OWWA iti pannakaitandudo ti kasasaad dagiti OFWs ken dagiti Pamiliada iti daytoy nga ili.
Ti Public Employment Service Office (PESO)/Migrant Desk Office ti LGU-Cabugao ket nakalukat nga agserbi ken masarakan iti Human Resource Mgt. Office idiay 2nd Floor ti Rizal Barangay Hall, Barangay Rizal, Cabugao, Ilocos Sur.
Kanaig daytoy, nagyaman ni Miss Sison ken ni Mayor Josh Edward S. Cobangbang ken iti Sangguniang Bayan ti ili iti naipaay a pammigbig iti Opisina ti HRMO-LGU Cabugao iti benneg ti PESO-DOLE iti pannakatulong dagiti kakailiantayo babaen iti naipaay a serbisyo kadakuada. #
No comments:
Post a Comment