SELEBRASION TI SEMANA SANTA 2019, NARUGIAN

Cabugao, Ilocos Sur – Natalna ken nasolemnidad ti rugi ti selebrasion ti Semana Santa  kadagiti umili ti Cabugao, Ilocos Sur. Daytoy ti nangital-o ti karirikna dagiti umili ken  bakasionista iti  kangitingitan dagitoy a “Nangina nga Aldaw” tapno maipasnekda ti agselebrar iti sidong ti pamilia, gagayyem  ken kakabagianda.

Naaramid ti Estasion Heneral idi malem ti Martes Santo, Abril 16, 2019 ket naaramid ti libut babaen kadagiti Parishioners ti  Iglesia Romano Katolika ken  ti Iglesia Filipina Independiente (IFI). 

Iti unos dagiti aldaw a masakupan ti Semana Santa, agtultuloy a natalna ti kasasaad  dagiti umili ken naannayas ti turong ti  trapiko iti amin a direksion a pagaaduan ti tao: iti Simbaan, Kalsada Nasional ken idiay Tiendaan. #  (Web Situational Report)