Cabugao, Ilocos Sur – Iti pannaki-amad ti Web In-Action iti Mayo 2, 2016, imbatad dagiti Coaches a naballigi a nalpas ti Semi-finals ti maang-angay a 2016 Cabugao Basketball Tournament ket dagiti Top 2 Contenders a Team (Rizal ken Namruangan) a nabatbati ket isudan ti madama nga agsalisal iti kinakampeonato (Best of Three).
Nagsalip metten ti Sagayaden Team ken Turod Team a pakaalaan ti maikatlo ken maikapat a puesto.
Manamnama nga iti kabiitan ket maammuanton iti “Kampeon” iti 2016 Cabugao Basketball Tournament a maysa kadagiti nangpangayed iti panagrambak dagiti umili iti pannakaselebrar ti Piesta ti ili ken iti Summer Months.
Kas iti gagangay, innayon dagiti napagdamagan a naregget dagiti Basketball Cheerers ken Sympathizers nga agindeg kadagita a barangay a mangtartarabay/mangsursurot kadagiti Players-da a makibalubal iti basketball iti Cabugao Cultural and Sports Complex a pakaang-angayan dagiti naka-schedule a Game.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a sinnalip gapu iti naipakpakauna a pannakaannurot ti sportsmanship ken disiplina iti tunggal Player para iti daytoy a kangrunaan a summer sport. # (Web Situational Report)
No comments:
Post a Comment