Cabugao, Ilocos Sur – Kalpasan ti Flag Ceremony iti Mayo 30, 2016, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili, Department/Section Heads dagiti Opisina ti LGU ken dagiti amin a Personnel a mangbukbukel ti Pamilia-LGU Cabugao iti panangrugi ti panagtarabahoda iti lawas ti Mayo 2016.
Nangipaay ti Ama ti Ili iti pangablaaw para iti sapasap ken naiyam-ammo dagiti uppat a Police Trainee nga as-asistiran ti Kapolisan iti ili a Cabugao nga idauluan ni Police Senior Inspector Ramil A. Llarenas.
Kanaig daytoy, inulit ni Mayor Ediboy a kinomendaran iti napintas a gapuanan ti PNP ken BFP iti pannakamantener iti linak ken talna kabayatan a napasamak iti Election Period 2016 ditoy ili a Cabugao.
Dinakamatna pay iti napintas met a panagtitinnulong dagiti maseknan a karaman iti pannakaisagana ken makipaset iti maaramid a turn-over ti turay inton Hunio 30, 2016.
Nupay kasta, innayon ti Ama ti Ili a kolektibo a gapuanan ti pamilia-LGU iti panagballigi iti amin a rubuat ken naaramid a gapuanan ti LGU-Cabugao.
“Job well done!” innayon ti Municipal Chief Executive. # (Web In-Action)
No comments:
Post a Comment