Cabugao, Ilocos Sur – Nasamay a makatulong ti “Plant Now Pay Later” a programa ti National Government kadagiti mannalon agsipud ta maited iti talek kadagiti Opisiales ti Asosasion a mangsingir ti bayad iti nasublat dagiti kameng a bukel ket agbalinton a pundo ti asosasion daytoy.
Naaramid ti distribusion ti Hybrid Rice Seeds babaen iti programa nga High Yielding Technology Adoption (HYTA) a proyekto ti National Government kadagiti mannalon iti ili a Cabugao, Ilocos Sur itay nabiit iti sango ti Munisipio.
Inimatangan ni Mayor Edgardo “Ediboy” S. Cobangbang, Jr. iti nasao a distribusion ti hybrid seeds kadagiti dadaulo ti asosasion ti mannalon.
Pinatibker ni Mayor Ediboy dagiti lideres dagiti mannalon babaen iti agtultuloy a panangtarabay ti Munisipio kadakuada ket numan pay paset ti inisiatibada iti makikammayet babaen iti PNPL kadagiti kompania nga itantandudo ti Departamento ti Agrikultura (DA), saan met nga agbaybay-a ti Gobierno Munisipal a mangkita iti pangkomplementar kadagitoy a programa ti sektor-agrikultura nangruna ita a pannnakairubuat ti Wet Season 2016 ita a tawen.
Kanaig daytoy, inyalat ti LGU-Cabugao iti National Best Achiever Award idi Tawen 2013 ket naipakita iti kabaelan ti tunggal asosasion a nangiragpat latta ti dayaw ti sektor-da babaen iti panangkibin ti DA-LGU nga imatonan ita ni Acting Municipal Agriculturist Robert S. Savella ken iti pannakitunos dagiti mannalon iti salinong ti 35 nga Asosasion-da.
Impakaammo dagiti mannalon nga iti pannakaiyallawat kadagiti Association-based a subsidies
ket nasamay a pamunganayan dagiti asosasion iti pannakaiyagpang ti kita ti bukel ken teknolohia a kabuybuyogna para iti panagtatalon iti Wet Season 2016 (Hunio-Nobiembre). # (Web In-Action)
No comments:
Post a Comment