Wednesday, May 18, 2016

PAY-OUT TI 4 Ps BENEFICIARIES, NAARAMID

Cabugao, Ilocos Sur – Naangay ti Pay-out (Over the Counter) ket naserbisyuan iti umabot ti 145  a Beneficiaries    ti  Pantawid Pamilyang Pilipino Program (4 Ps) a naggapu kadagiti 33 a barangay ti Munisipalidad ti Cabugao idi Mayo 17, 2016 iti Municipal Conference Building. Dua a bulan (Pebrero-Marso) 2016  ti naalada a mabatayan iti awatenda a gatad.


Nagatendar iti nasao a Payout Activity ti Payout Team a binayabay ni Mrs. Lydia S. Gazmen kasta metten dagiti Staffer ti 4 Ps Municipal Link-Cabugao a nagiyawat iti kantidad kadagiti Recipients. Ti National Cooperative, Candon City ti partner ti DSWD a nagited ita iti Cash Grant kadagiti  4 Ps Beneficiaries. 

Timmarabay met dagiti Staff ti MSWDO-Cabugao nga idauluan ni MSWD Officer Mrs. Lydia S. Gazmen a kaduana da Mrs. Wilma S. Cruz; Ms. Jessie Ann O. Tabut; Ms. Juliet Madriaga; Miss Aida S. Cueto ken ni Ms. Rosemarie Pespes. 

Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti Ahensia ti DSWD ken  kapartnerna ti LGU-Cabugao  a makasakup kadagiti benepisiario. # (Web In-Action)

No comments:

Post a Comment