Cabugao, Ilocos Sur – Naaramid ti Coronation Rites ti 2018 Mr. & Ms. Sportsfest ti Cabugao DepEd District idi Agosto 29, 2018 iti Cabugao Cultural and Sports Complex, Brgy. Rizal, Cabugao, Ilocos Sur.
Ti Tema: “Developing 21st Century Athletes through Values and Sports” a maysa kadagiti mangkulminar iti 2018 Cabugao District Sports Competition a maangay iti dua nga aldaw: Agosto 30-31, 2018.
Nakoronaan da Mr. Sportsfest John Francis S. Lopez ti Cabugao North Central School ken ni Ms. Sportsfest 2018 Rachelle Lourise S. Acosta iti isu met laeng a pagadalan. Naisaad ti Koronada babaen ken ni Mayor Josh Edward S. Cobangbang a binayabay ti kaparehana.
Napadayawan pay ti 24 a pareha a kadua ti King ken Queen ket insaad met dagiti napusgan nga Opisiales ken Indibidual dagiti kaibatoganda a pammigbig.
Nangipaay ti Mensahena ni Mayor Josh Edward S. Cobangbang. Kimmablaaw ken nagyaman ta naurnos ti pannakaisagana ti programa ken natunos ti amin a maseknan a nangirubuat kadaytoy nga investiture. # (Web In-Action)
No comments:
Post a Comment