Cabugao, Ilocos Sur - Ti Municipal Government ti Cabugao, Ilocos Sur nga idauluan ni Mayor Josh Edward S. Cobangbang babaen iti implementing arm-na iti Municipal Disaster Risk Reduction Management Council (MDRRMC) nga imatonan ni LDRRM Officer Engr. Nestor B. Somera ket nangigannuat ti earthquake drill iti pageskuelaan ti Daclapan Elementary School idi Agosto 16, 2018.
Babaen iti uni ti alarma, dagiti estudiante ken agad-adal kadagiti nadakamat a pagadalan kas panagsaganadda ket naikkanda iti pammilin a rummuarda kadagiti kuartoda ket simmaruno a nagtignay dagiti kameng ti search and rescue personnel operation team a buklen dagiti kameng ti Cabugao Rescue a mangbukel ti MDRRMC a nagturong kadagiti kuarto a pangkitaanda kadagiti nagakem a biktima iti ginggined.
Tinulongan dagiti kameng ti Cabugao Municipal Police Station ken iti Bureau of Fire Protection (BFP)-Cabugao nga idauluan da PSI Rodel C. Del Castillo, OIC ken ni Senior Inspector Cesar M. Ragasa kas panagsaganadda ken kasta metten a tinaming dagiti kameng ti Medics nga ibagian dagiti Personnel iti RHU-Cabugao dagiti natakuatan/nairuar a biktima ket naipanda iti Stage Area ken iti Incident Command Post. Napakatan iti First Aid dagiti biktima.
Kabayatanna, ti ceremonial venue iti national drill ket naangay idiay Plaza Burgos, Vigan City, Ilocos Sur.
Naballigi ken natunos dagiti agad-adal agraman dagiti mangisursuro kadaytoy a pageskuelaan a nakikaysa kadagiti nangipatungpal iti earthquake drill iti Munisipio ti Cabugao. # (Web In-Action)
No comments:
Post a Comment