Thursday, August 2, 2018

TREE PLANTING, NANGKULMINAR TI 23RD POLICE COMMUNITY RELATIONS MONTH

Cabugao, Ilocos Sur – Malaksid kadagiti kangrunaan a pagrebbengan dagiti pannakabagi ti linteg iti ili a Cabugao, Ilocos Sur ket naisamirada ti nangisayangkat iti Tree Planting Activity iti dua a disso a nangkulminar iti panangselebrarda ti 
23rd Police Community Relations Month iti taraudi a paset ti Hulio 2018.


Naaramid ti Tree Planting idi Hulio 27, 2018 babaen iti nagkaysa a  puersa dagiti Opisiales ti Barangay Cael-layan nga idauluan ni Punong Barangay Heidi Margie  Zabala kasta metten iti Barangay Quezon nga idauluan ni Barangay Captain Edmund S. Sonico idi Hulio 28, 2018 kadagiti disso a masakupan dagiti nadakamat a barangay iti nagmulaanda iti seedlings. Indauluan met ni PSI Rodel C. Del Castillo, OIC ken dagiti kakaduana a Polis a nakikaysa kadagiti bumarangay a nagmula iti kayo. # (Web In-Action)

No comments:

Post a Comment