Cabugao, Ilocos Sur – Naipamatmat ti akem ti Municipal Disaster Risk Reduction Management Council (MDRRMC) iti panangidaulo ni Mayor Josh Edward S. Cobangbang babaen iti panagresponde dagiti kameng ti Emergency Response Team (ERT) iti panangiwardas ni Engr. Nestor B. Somera, LDRRMC Officer gapu iti napaut a monsoon rains (Hanging Habagat) a pakaapektaran ti pagilian a nangibulanos iti napigsa unay a tudo.
Kanaig daytoy, nasuspender ti klase dagiti pagadalan (Elementaria ken High Schools iti Public ken Private) kadagiti napalabas nga aldaw maigapu iti napigsa a tudo a nagtinnag. Pinasingkedan daytoy iti Pammilin ni Mayor Josh Edward S. Cobangbang iti ili a Cabugao.
Agsipud ta agtultuloy latta ti panagbuelo iti napipigsa a tudo ditoy a deppaar ken agtultuloy a panagbulanos ti ayus ti Cabugao River ket nakipagtaming ni Mayor Josh Edward S. Cobangbang a binayabay ni MDRRMC Officer Engr. Nestor B. Somera ken dagiti Barangay Officials kadagiti naapektaran a barangay ket maysa ti (Re-channeling ti Cabugao River, Gidday, Caellayan Area) a kabulon ti itutulong ti PDRRMC payloader tapno maipasigurado iti naan-anay a seguridad dagiti maapektaran nga umili kadaytoy a parnuayen ti kalamidad. # (Web Situational Report)
No comments:
Post a Comment