Naangay ti Provincial Nutrition Month Celebration ken iti
Barangay Nutrition Scholar Congress nga addaan ti tema:
“Kumain nang wasto at maging aktibo, PUSH NATIN TO!" sadiay Baluarte Hall, Vigan City.
Inatendaran daytoy dagiti ginasut a miembro iti Barangay Nutrition Scholars iti sibubukel a probinsia.
Nagbalin a kangrunaan a bisita ni Gobernador Ryan Luis V. Singson ket inpaganetgetna iti kangrunaan nga akem dagiti BNS nga isuda dagiti kangrunaan a tumulong kadagiti bumarangay maipanggep iti salun-at ken mangted iti kapanunotan no kasano a maliklikan dagiti saksakit.
Pinagyamanan ni Gobernador Singson dagiti amin a kameng iti BNS ti probinsia ket kinunana nga isuda iti umuna a makatulong iti agdama a sangsanguen iti intero a pagilian mainaig iti sakit a dengue.
Kinaritna dagitoy nga ipakitada koma iti panagkaykaysada iti daytoy a tiempo tapno iti kasta saanen a manayonan pay iti casualties ditoy probinsia mainaig iti daytoy a sakit.
Kalpasan ti panagsao ti Ama ti Probinsia, naaramid iti panakai-award iti certificate kadagiti Barangay Nutrition Scholars of Ilocos Sur kas Most Outstanding BNS iti Tawen 2018.
Isuda ngarud dagiti sumaganad:
Annalyn Bernardo, Patac, Galimuyod
Julie Ann Soriano,Nagpanaoan, Santa
Jonalyn Cunaci, Ursudan, Suyo
Josefina Pagaduan, Baritaw, Tagudin
Leni Dominguez, Santa Cruz
Melinda Tapiceria, Poblacion West, San Ildefonso
Rosejean Ragasa, Pudoc, San Vicente
Judith Arrieta, Binacud, Sinait.
Nagatendar met dagiti kameng ken opisiales ti BNS iti ili a Cabugao nga idauluan ni Mrs. Gloria T. Segui, Presidente. # ADAPTED News
No comments:
Post a Comment