Nagyaman ni Governor Ryan Luis V. Singson ken ni Sen. Mark Lawrence “Bong” Go gapu iti tulongna iti benneg ti salun-at babaen iti pannakapaadda ti MALASAKIT Center, maysa a one stop shop para kadagiti tattao nga agkasapulan iti pinansial ken dadduma pay a serbisio nga adda iti pakainaiganna iti salun-at.
Babaen iti MALASAKIT Center a naipasdek idiay Ilocos Sur Provincial Hospital-Gabriela Silang, Vigan City a saanen a masapul dagiti tattao iti mapan kadagiti nadumaduma nga opisina iti Gobierno tapno agpatulong ken mangala kadagiti kasapulanda a dokumento iti benneg ti salun-at.
Segun ken ni Gov. Singson, ti MALASAKIT center iti sungbat iti kasapulan dagiti umili para iti simple ken napartak a pannakaiproseso iti kasapulanda iti benneg ti salun-at, nangruna dagiti dokumento ken tulong a masapulda no adda iti pasienteda iti ospital.
Lima a milion a pisos iti nailatang a pondo para iti operasion ti MALASAKIT Center ditoy probinsia.
Saan laeng a ti senador iti pinagyamanan iti Gobernador, no di ket pati dagiti ahensya a nagkikinnammayet para iti pannakaipatungpal iti nasao a proyekto a kas ti Philippine Charity Sweepstakes Office, Department of Social Welfare and Development, Philippine Amusement and Gaming Corporation, Philippine Health Insurance Corporation, Office of the President, Office of the Special Assistant to the President, ken ti Department of Health.
Innallukoy ti Gobernador dagiti doktor, nurses, ken empleado ti ospital nga itultuloyda iti panangited iti napintas a serbisio kadagiti umili. # ADAPTED News
No comments:
Post a Comment