Cabugao, Ilocos Sur – Iti pannakiuman ti Web In-Action, impakaammo ni Mrs. Gloria Tangalin Segui, Presidente ti Barangay Nutrition Scholars ti ili a Cabugao iti napintas a panagtunosda kadagiti Staff ti Opisina ti Municipal Link ti 4 Ps.
Iti biang ti BNS dagitoy ti ambagda iti bulan ti Agoso 2019:
1.Dagiti kameng ti BNS ti napusgan a nag-lecture iti Family Development Session a naangay kadagiti 4 Ps kadagiti barangay. Nagsentro ti topiko iti pakaseknan ti Nutrition ken Breastfeeding Awareness Month.
2.Tinulongan dagiti BNS dagiti pannakabagi ti DOH a nag-house visit ken environment inspection kadagiti na-dengue.
3.Nagdemonstrar ti BNS President a nag-lecture iti imatang ti kaaduan tapno mapatuladan met dagiti kabarbaro a BNS ket makawayasdanto metten kadagiti pakaidesignaranda a barangay.
Kabayatanna, naregget nga itultuloy dagiti Staff ti Municipal Link nga isaksaknap ti pakabuklan ti programa ti 4 Ps iti pagnaedan dagiti kameng kadagiti barangay ti Munisipalidad ti Cabugao tapno naan-anay nga agballigi ti panggep ti Gobierno Munisipal nga idauluan ni Mayor Edgardo S. Cobangbang, Jr. a mangpasayaat pay iti kasasaad dagiti nakurapay nga umili.
Kabayatanna, makiko-koordinarda latta kadagiti Opisiales ti Barangay/Parent Leaders a katinnulongda a mangorganisar iti Family Development Session (FDS) para iti Topiko nga imitingda kadagiti 4 Ps.
Iti binulan a pannakaangay ti Family Development Session (FDS) kadagiti barangay ket nasursuron dagiti Parent-Leaders iti tumakder iti bukodda a pannakitinnarawidwid iti miting ken seminar iti masakupanda.
Dagiti kameng ti Pantawid Staff ti Municipal Operations Office ti 4 Ps ti aglektiur (Learning Service Provider) ken karaman nga Ahensia kadagiti FDS Session-da ket napagkaykaysaanda a maysa a Topiko iti binsaenda kadagiti Family Development Session-da tapno nadardaras a maawatan dagiti klienteda. Nalaklaka pay a maawatan dagiti adalanda a 4 Ps no dagitay kabisadoda/naipanawen a Topiko/Situasion iti maiyad-adal kas parte iti Values Formation iti Programa.
Dagitoy nga aksion ken inisiatiba ket katinnulong iti agtultuloy a panangtarabay kadakuada ti Gobierno Munisipal iti panangidaulo ni Mayor Edgardo S. Cobangbang, Jr. iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken dagiti umili. # (Web In-Action)
No comments:
Post a Comment