Cabugao, Ilocos Sur – Naaramid ti selebrasion ti pannakadanon ti 117th Proclamation Anniversary ti Iglesia Filipina Independiente (IFI) babaen iti Tema: “Be Transformed by the Renewing of Mind” kada madanon ti Agosto 3. Nagselebrar ti simbaan ti nadakamat a relihion iti Brgy. Quezon, Cabugao, Ilocos Sur idi Agosto 4, 2019 babaen iti naaramid a Popularity Contest a nangabakan ni Queen Herminia Suboc ti Barangay Quezon.
Kangrunaan a nasangaili ken nangorona iti Reyna ket ni Mrs. Jerlie Seguban-Cobangbang a binayabay dagiti Opisiales ti IFI Cabugao nga idauluan ni Rev. Fr. Digna Calmada-Blanco iti nadakamat a parambak.
Inimatangan met dagiti Laymen /Parish Council Member/YOPIC ken WOPIC ken kamkameng daytoy a celebration activity.
Kabayatanna, impeksa dagiti agassawa a da Rev. Digna Calmada-Blanco ken ni Rev. Fr. Jury Blanco iti nasged a panagyamanda kadagiti tumultulong iti proyekto a maisaysayangkat iti Simbaan Aglipayano. Innayon dagiti Kura Paroko a dagitoy a pagimbagan ket maisagut met laeng kadagiti kamkameng nga umili ti Cabugao a mangidur-as iti naespirituan a benneg iti daytoy a benneg ti Pammati.
Naaramid ti Fellowship Snack ken pananglak-amda kadagiti naisagana a pagtaraon a nakairamanan dagiti amin a nagatendar iti dayta a naballigi nga aktibidad kalpasanna. # (Web In-Action)
No comments:
Post a Comment