PANAGSANAY PARA ITI SERBISIO TI HRMO-CSC, INATENDARAN TI HRM OFFICER TI LGU-CABUGAO

Cabugao, Ilocos Sur - Ti Human Resource Management Office (HRMO)   ket maysa a benneg ti Opisina ti Mayor ken masarakan itan ti pagopisinaanda  iti Ground Floor ti baro a pasdek ti Munisipio.

Ti LGU Cabugao ket maysa kadagiti “accredited agencies” iti Region I.  Dagiti mangidadaulo iti ahensia nga “accredited” ket  addaanda iti autoridad nga agaprobar kadagiti “Appointments” ti empleyado a masakupan ti serbisio-publiko. Paglintegan ti CSC nga ipatungpal

dagiti polisia iti akreditasyon nga sakupen ti PRIME HRM  tapno mataginayon  ti autoridad  iti maysa nga Ahensia wenno sanga ti Gobierno nga agaprubar iti appointments.  Kanayunan dagiti responsibilidad nga aramiden ti  HRM Office iti mangkita iti pannakatungpal dagiti “Indicators” wenno naipaulog a pagbasaran ti CSC. 

Kas mangitaktakder iti nadakamat nga Opisina ti LGU-Cabugao, nagatendar ni Miss Teresita Maximina “Mimie” S. Sison, Section Chief, Human Resource Management Office/PESO and MDO Designate ti Local Government Unit (LGU)-Cabugao, Ilocos Sur kadagiti nadumaduma a seminar a mainaig kadaytoy a pagrebbengan ken trabahona iti napalabas nga aldaw  itoy manen a  bulan kadaytoy a tawen 2019:

1.24th Regional Continuing Professional Education for Human Resource Management Practitioners in Region 1 babaen iti Tema: “Building Bridges in the HR World”   a naaramid idiay Fort Ilocandia Resort Hotel, Laoag City, Ilocos Norte idi Agosto 13-15, 2019 a ditoy a nasangaili da  Ilocos Norte Governor Thomas M.  Manotoc ken ni CSC RO1 Director IV Hedy Jose B. Lardizabal.

Daytoy a kalkalpas a panagsanay/aktibidad  nga inatendaran ni Miss Sison ket parte iti pagrebbenganna a kas Human  Resources Management Officer (HRMO) babaen iti Civil Service Commission  ken pannakanayon ken pannakapapintas metten iti serbisiona iti panangtarawidwidna iti nasao nga Opisina ti Gobierno Lokal ti ili a Cabugao, Ilocos Sur. 

Sakbayna, napadayawan ti HRMO-Cabugao ket dagii sumaganad ti nagun-odna nga awards::

1.Certificate of Recognition nga impaay ti DOLE Region 1 iti PESO-Cabugao, Ilocos Sur babaen ken ni PESO Manager Teresita Maximina S. Sison a kas Best Performing PESO (1st to 2nd Class Municipality) iti implementasion ti DOLE Integrated Livelihoods and Emergency Employment Program (DILEEP), 2017  ken naited ti Pammadayaw idiay Savannah  Hotel Resort, Angeles City, Pampanga kabayatan ti Regional PESO Congress 2018  idi Pebrero 27, 2018.

2.Maikadua iti Certificate of Recognition nga impaay ti OWWA-Region 1 iti  MDO-Cabugao, Ilocos Sur babaen ken ni MDO Teresita Maximina S. Sison a naited idiay Sison Auditorium, Lingayen, Pangasinan idi Abril 12, 2018. Ni Hon. Gerardo C. Rimorin, OIC, OIC Director ti kangrunaan a nasangaili ken nagiyawat ti Pammadayaw.

Binigbig ti Overseas Workers Welfare Administration (OWWA)  iti serbisio ken trabaho nga inaramid ti Migrant Desk Officer  ti LGU-Cabugao iti pannakaitandudo ti kasasaad dagiti OFWs ken dagiti Pamiliada. # {Web In-Action}