Cabugao, Ilocos Sur – Naulit ti panagtataripnong dagiti Opisiales ti Local Government Unit (LGU) ti ili a Cabugao, Ilocos Sur nga idauluan ni Mayor Edgardo S. Cobangbang, Jr. ken kakaduada a nagseminar iti ELA idiay Bagac, Bataan ket inatendaranda ti nayeskediul a Post ELA Seminar idi Setiembre 3, 2019 iti Conference Hall ti Baro a Munisipio.
Buklen ti nagatendar ti Local Chief Executive; dagiti Department/Section Heads ti LGU-Cabugao; Kameng ti Sangguniang Bayan; Vice Mayor; pannakabagi ti DepED; ABC; BFP; PNP ken dagiti Civil Society Organizations (CSOs) tapno naan-anay a mapasingkedan iti pakabuklan dagiti sirmata ken direksion a kalikaguman a taluntonen ti agdama nga administrasion para iti tallo a tawen (2019-2022) a panagtakemda.
Naaramid daytoy a seminar babaen iti panangtarabay dagiti mangibagi iti Department of the Interior and Local Government (DILG) kadagiti LGUs iti lokalidad.
Nangipaay ti Mensahena ni Mayor Edgardo “Ediboy” S. Cobangbang, Jr. iti daytoy a panagtataripnong. # (Web In-Action)
No comments:
Post a Comment