Cabugao, Ilocos Sur – Impaay ti Overseas Workers Welfare Administration (OWWA), Regional Office 1, Department of Labor and Employment (DOLE) ti Special Award on OFW Community Organizing iti Municipal Government ti ili a Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr.
Naited daytoy a pammadayaw idi Setiembre 12, 2019 babaen iti naangay a Region 1 MDO Congress 2019 a nagatendaran ti pannakabagi ti nadakamat a Munisipio babaen ken ni Miss Teresita Maximina “Mimie” S. Sison, Section Chief, Human Resource Management Office/PESO and MDO Designate ti Local Government Unit (LGU)-Cabugao, Ilocos Sur.
Ita a Setiembre 23, 2019, inawat ni Mayor Ediboy ti nadakamat a Pammadayaw ken binayabay ni Vice Mayor Jemaima S. Tan-Yee ken dagiti Opisiales ti Ili nga isuda SBM Josh Edward S. Cobangbang; SBM Mariedes D. Soller; SBM Jeremy A. Seguban, Jr. manipud ken ni HRM Officer Miss Teresita Maximina “Mimie” S. Sison ti pakabuklan ti Pammadayaw.
Nakalanad iti naited a pammadayaw iti napasnek a serbisio ken trabaho nga inaramid ti LGU-Cabugao iti pannakaitandudo ti kasasaad dagiti OFWs ken dagiti Pamiliada ditoy a lokalidad.
Sakbayna, maipalagip a nagatendar ti HRM Officer ti LGU-Cabugao iti OFW Mapping and Database System : Basis for Local Migration and Development Initiatives a naangay idiay Calasiao, Pangasinan idi Hunio 24-25, 2019.
Daytoy a panagsanay/aktibidad nga inatendaran ni Miss Sison ket parte iti pagrebbenganna a kas Human Resources Management Officer (HRMO)/PESO/MDO ken pannakanayon ken pannakapapintas metten iti pannakatarawidwid ti nasao nga Opisina ti Gobierno Lokal ti ili a Cabugao, Ilocos Sur ken iti pannakatulong pay dagiti kakailiantayo ken karamanan metten dagiti OFWs ken iti pamiliada. # (Web In-Action)
No comments:
Post a Comment