Cabugao, Ilocos Sur – Naangay ti Cluster Christmas Program ti Pantawid Pamilyang Pilipino Program (4 P’s) ti Brgy. Pila, Sagayaden, Bonifacio ken Rizal idi Disiembre 9, 2013 iti Covered Court, Brgy. Bonifacio, Cabugao, Ilocos Sur.
Sakbay a naangay ti Parlor Games, immuna a naaramid ti ababa a programa ket ditoy nga imbinsa ni MSWD Officer Mrs. Lydia S. Gazmen ti pateg ti panagtitipon dagiti 4 P’s a mangselebrar ti Paskua 2013 a kangrunaan a mensahena ket iti panangipaay ti ayat iti pada a tao ken iti napintas a panagkakadua para iti panagdur-as ti kagimongan.
Iti nadakamat a taripnong, naigiddan iti pannakaiyadal ti Team Building, Syposium on Anti-Human Trafficking Act of 2003 (RA 9208) ken iti RA 9262- Violataion against Women and their Children and other Child Welfare Laws a trinatar ni MSWD Assistant Leonora G. Reintar.
Kabayatanna, naangay met ti Parlor Games a nangabakan dagiti nakipaset iti nagduduma a premio kasta met a naitarapnos iti Exchange Gift kadagiti maseknan a nangited ti ma-raffle a sagutda kadagiti kakaduada a 4 P’s.
Nakikaysa met da Kagawad Macrina I. Saturno ken ni Kagawad Ma. Christina De Vera ken dadduma pay a kameng ti asosaion iti barangay a nakikaysa iti daytoy a programa ti 4 P’s iti dayta nga aldaw. # (Web In-Action)
No comments:
Post a Comment