Cabugao, Ilocos Sur – Naangay ti Distribution ti Member Data Record (MDR) dagiti Benepisiario ti Philhealth a naaramid iti Cabugao Cultural and Sports Complex, Brgy. Rizal, Cabugao, Ilocos Sur itay nabiit a kas maysa nga aktibidad a nangkulminar iti “Social Services Day” iti dayta a petsa iti panagpiesta ti ili a Cabugao.
Nasapa a dimteng dagiti Philhealth Beneficiaries a naggapu iti nadumaduma a barangay ket tinarabay dagiti pannakabagi ti MSWDO-Cabugao, Medical Personnel ti RHU-Cabugao a nangtarawidwid iti Member Data Record (MDR) Distribution kadagiti Philhealth Beneficiaries ti ili a Cabugao nga umabot iti 4,710 a Beneficiaries (3,541 a nakasagrap iti National Household Targeting System (NHTS) a naaramid idi 2009 ken iti 1,169 iti 4 Ps).
Naitaripnong dagiti Opisiales dagiti Partner-Agencies ti LGU-Cabugao a kas iti DOH ken ti DSWD ket kunada a nakagasgasat dagiti umili ti Cabugao ta maikkanda manen iti gundaway a maipabaro ti pannakausarda ti Philhealth-da ita a Tawen 2018.
Kunada a taginayonen koma nga ipateg dagiti Philhealth Beneficiaries dagiti naipaay kadakuada a pagsayaatan. Pinagyamanan dagiti immawat iti baro nga MDR-Philhealth iti LGU-Cabugao nga idauluan ni Mayor Josh Edward S. Cobangbang ta agtultuloy ti Gobierno Lokal a makikamkammayet kadagiti maseknan nga Ahensia iti Gobierno Nasional a kas iti DOH ken iti DSWD tapno masustener daytoy a pribilehio nga inda sagsagrapen. # (Web In-Action)
No comments:
Post a Comment