Thursday, May 24, 2018

PANAGDALDALUS, AGTULTULOY A MAIWAYWAYAT

Cabugao, Ilocos Sur – Agtultuloy  a maitandudo ti Programa ti Munisipio iti pannakadalus dagiti parke, plaza, kalsada-nasional, processional  routes, public facilities iti Poblasion, aglawlaw ti Munisipio ken iti NISTC Public Market  kasta metten  iti pannakaitandudo ti Solid Waste Management Program   kadagiti barangay iti ili ti LGU-Cabugao. 

Dagiti napusgan a Personnel ti Munisipio ket makikoordinarda kadagiti Opisiales ti Barangay ken bumarangay  nangruna iti asideg ti Poblasion nga aramidenda  koma   iti parteda iti panagdaldalus  tapno makomplementaran ti ar-aramiden ti LGU ken dalusanda dagiti mabatoganda a paset dagiti Barangay Roads-da, Provincial Road, Processional Routes  ken iti National Highway nangruna iti naaramat iti kalleppas nga Eleksion ti Barangay.

Kabayatanna, regular met a maar-aramid ti coastal clean-up nga isayangkat  dagiti nadumaduma a gimong-sektor nga idauluan ti Konseho ti Barangay kadagiti pito a barangay iti igid ti baybay.

Mailungalong a kanayon dagitoy tapno mamantener iti kinadalus ken kinapintas iti mabuybuya iti aglawlaw. # (Web Situational Report)

No comments:

Post a Comment