Cabugao, Ilocos Sur – Naisangrat ti Fun Walk and Zumba kadagiti kameng ti Federated Senior Citizens of Cabugao nga idauluan da Mr. Bonifacio Somera, Presidente ken ni OSCA Head Remigio B. Sunico. Kasta metten a timmarabay dagiti Personnel and Staff ti MSWDO - 4 P’s Municipal Operation’s Office (MOO) nga idauluan ni MSWD Officer Mrs. Lydia S. Gazmen.
Naaramid ti “Pannagna” iti agsapa (5:00am) ti Abril 22, 2016 a nangrugi ken nagtungpal met laeng iti Cabugao Cultural and Sports Complex, Brgy. Rizal, Cabugao, Ilocos Sur.
Timmarabay met ti Mobile Police Jeep ken ti Kapolisan, Ambulansia ti RHU-Cabugao, ken ti First-Aid Team ti RHU-Cabugao iti nadakamat a Fun Walk. Kalpasan ti panagarmusarda iti Rizal Park, naaramid ti panagtitipon dagiti nataengan iti uneg ti Sports Complex ket naangay iti panagsapata dagiti Opisiales ti Senior Citizens iti kada barangay babaen iti panamagsapata ni Mayor Edgardo “Ediboy” S. Cobangbang, Jr. kadakuada.
Iti Mensahe ni Mayor Ediboy, kimmablaaw ken nagyaman ta agtultuloy latta ti regta dagiti nataengan a makipaset iti tinawen a panagpiesta ti ili ken maragsakan a nangibaga ti panangitultuloyda iti anusda a makikaykaysa iti Munisipio. Innayonna nga iti kooperasion ti maysan-maysa ket agsirmata para iti pagsayaatan dagiti umili ti Cabugao ken maikkanda iti naan-anay a pribilehio nga agbuya kadagiti naisagana nga aktibidades a pangselebrar iti panagpiesta ti ili. Naikkanda pay iti sagut a T-Shirt dagiti nataengan. # (Web In-Action)
No comments:
Post a Comment