Cabugao, Ilocos Sur – Naangay ti Monthly Regular Meeting dagiti kameng ti Cabugao Federated Farmer’s Association itay nabiit iti 2 nd Floor, Municipal Building, Cabugao, Ilocos Sur.
Indauluan ni Mr. Elmer G. Bromeo, Federated President dagiti nagmiting a Presidente ken timmulong ti pannakabagi ti DA-LGU babaen ken ni Mr. Nathaniel B. Galamgam, Municipal Farmers’ Association Coordinator.
Dagiti sumaganad a pakaseknan iti tinamingda:
1. Panagsagana iti pannakipasetda iti selebrasion ti Cabugao Ragsak Festival 2016. Iti maangay a Grand Parade inton Abril 21, 2016, makikaysa dagiti mannalon; mangngalap; NGOs, RICs; 4-H Club iti Parada.
2. Pannakaipinal ti panagorder dagiti mannalon nga awan pay ti usarenna a bin-i ken maiturong iti PhilRice para iti panagtalon-da iti Wet Season 2016.
3. Ma-update dagiti makinaria a kasapulan pay dagiti Asosasion a maiturong iti DA-RFO 1 ket mapagtitinnulongan ti pannakaisagana dagiti kasapulan a papeles.
4. Natratar pay dagiti pakaseknan ti Asosasion, programa ken proyekto nga isaysayangkat ti DA-LGU kadagiti mannalon iti 33 a barangay ti Munisipalidad. # (Web In-Action)
No comments:
Post a Comment