Cabugao, Ilocos Sur - Naaramid ti Night Float Parade iti Cabugao Ragsak Festival 2016 idi karabiyan ti Abril 24, 2016 (maikapat nga rabii ti Piesta) a nagpartisiparan dagiti Kameng/Opisiales ti Local Government Unit (LGU)-Cabugao, 33 a barangay agraman dagiti Asosasion iti uneg ti barangay.
Immuna iti Parada ti Police Mobile Patrol sa iti Imahen ni San Markos Ebanghelista a Patron ti ili a binayabay dagiti kameng ti Parish Pastoral Council ti Simbaan Katolika.
Simmaruno dagiti Municipal Officials nga idauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano agraman dagiti Department Heads/Personnel ti LGU-Cabugao.
Nangrugi ti Parada iti Shell nga asideg ti NISTC Public Market, Cabugao, Ilocos Sur ket nagpatingga idiay Cabugao Central Park (CCP) Auditorium.
Kalpasan ti pannakaiparada dagiti Float ket napagsasarunoda ken naaramid ti pannakagradoda babaen kadagiti uppat a nadutokan a Hurado nga idauluan ni PTV Reporter Ryan Lazo.
Buklen ti Parada iti innem nga agkakangayed a Float a nakabuklan iti grupo ti 33 a barangay ti ili nga immatonan dagiti Kapitanes-da ken idauluan ida ni ABC President Thaddeus U. Soller.
Segun iti mapagdamagan, dadakkel dagiti maited a premio dagiti mangabak: 1st Place – 200,000; 2nd Place – 150,000; 3rd Place – 100,000 ken sag- 60,000 ti Consolation Prize.
Nagpaay nga Emcee ken Parade Coordinator ni SB Secretary Maxfel S. Suboc.
Nasangaili iti dayta a rabii da Gov. Ryan Luis V. Singson; Congressman Ronald V. Singson; Vice Governor DV Savellano a kaduada dagiti kameng ti Hunta Probinsial ken mangbukbukel iti Team Ilocos Sur kasta metten iti grupo ti Dayaw-One Cabugao nga idauluan ni Mr. Josh Edward “Ediboy” S. Cobangbang.
Kangrunaan a namagpikapik iti dayta a kanito ket iti panagkonsierto ni Mitoy Yonting agraman dagiti kakaduana ket naray-aw unay dagiti amin a nagbuya. # (Web In-Action)
No comments:
Post a Comment